Lafaek News-(Ermera)-Kandidatura Prezidente Repúblika periodu 2022-2027, Armanda Berta dos Santos,bainhira eleitu ba Prezidente Repúblika promete hadia fasilidade infra-estrutura ba PNTL no F-FDTL tanba sira hanesan lutu nasaun.
Se imi povu fo fiar mai ha’u atu sai prezidente repúblika ba periodo 2022-2027 ha’u promete sei hadia fasilidade infra-estrutura PNTL) no F-FDTL sira iha nasaun Timor leste,”dehan Berta iha diskursu ba kampañiaa Dala-8 iha kampu futebol Ermera, /08/03/2022
Berta dehan, nu’udar Xefe Estadu sei fo hanoin ba governu tau matan ba Forsa Armadas Timor Leste hadia infra-estrutura dezenvolve F-FDTL hodi bele servi ba povo no nasaun ida ne’e no sei fo hanpon governu atu fo tau prioridade orsamentu ba kada tinan investe ba setor agrikultura no saude iha rai-laran.
Ha’u sei fo hanoin nafatin ba governu atu fo prioridade orsamentu nia kada tinan hodi bele investe ba setor agrikultura, saude,edukasaun no setór Tturizmu iha rai laran,” afirma Berta
Entretantu, konselleru máximu husi Partidu Kmanek Haburas Unidade Nasional Timor-oan (KHUNTO,) Jose dos Santos Naimori Bukar afirma, Berta sai prezidente ema hotu hamriik iha nia kotuk hodi fo hanoin atu bele hare’e ba situasaun rai laran.
Berta sai prezidente ita hotu hamriik iha nia kotuk hodi fo hanoin hodi hare’e ba situasaun rai laran ,atu rezolve Povo nia problema fo hanoin ba governu atu nunee bele hadia Povo no nasaun Ida nee nia moris iha paz no estabilidade nia laran,” Nia hakotu
Jornalista : Domingas Viana
Editor : Agapito de Deus
