Lafaek News—Portávoz partidu Demokrátitku (PD) Plácido João Alves, informa total militantes no apoiantes husi nasionál to’o aldeia hamutuk 23.982 sei prepara hasoru eleisaun 2022-2023.
“Ami agradese no hakuak bot ba ran maluk sira ne’ebé máka husi partidu seluk abandona no izola, hakarak mai ita hamutuk no hamahan a’an iha movimento futuru pensamento foun no prinsípiu ida katak ran maubere, ran timor oan prontu servi timor, ita mós iha forsa politika iha nivel teritoriu timor husi nasionál to’o aldeias membru apoiantes hamutuk 23.982,” dehan portavos, Plasidu Joao Alves liu husi komfrensia imprensa iha sede PD Kolmera, Kinta (05/08/2021).
Portávoz fundamenta, to’o ona tempu jerasaun foun ajusta forsa polítika hamutuk iha partidu PD nu’udar alternativa, hodi atinje metas ba dezenvolvimentu nasionál liberta povo husi kiak no mukit ba moris prosperu.
‘’Lalika fiar rumoris no propaganda falsa ne’ebé so’e atraves liu husi media sosial no diretamente iha baze atu estraga ita nia prinsipiu luta ba dezenvolvimentu nasionál.
Plácido husu Timor oan ne’ebé seidauk hola parte movimentu futuru no partidu PD mai hamutuk ona liberta povo maubere iha kontestu dezenvolvimentu nasionál tuir prinsípiu erói asuwain no martires nian.
Jornaliata : Etelvina Sarmento
Asisten Editór : Pedro de Almeida
