Lafaek News— Loron 12 Fevereiru 2021, nu’udar loron munidal Xinezas iha mundu atu selebra inklui iha Timor Leste, nu’udar loron boot ba komunidade Xinezas.
Reprezentante Xinezas iha Timor-Leste no nu’udar mós Manejer ba loja Meamart, Jason Zay, hato’o boas festas no boas entradas ba Timor oan hotu iha ámbitu selebrasaun loron mundial Xinezas nian, nune’e mós lansamentu ba loja Meamart.
“Ohin loron lansa loja supermerkadu Meamart liu husi aniversariu Xinesas nian ho objetivu atu haklean desenvolvimentu ekonomia timor nian, hanesan ita hare’e produtu kompletu, nune’e ekonomia timor labele monu, maske iha pandemia Covid-19 nia laran,” dehan Manjer Meamart, Jason Zay ba jornalista sira iha timor plaza, sesta, (12/02/2021).
Nia relata, produtu lokal ne’ebé iha loja Meamart mai husi munisípiu sira hanesan Aileu, Ainaru no Hera, inklui mós husi fatin sira seluk.
Iha fatin hanesan, Vise koordenador Asosiasaun Arte Kultura Timor Furak, José Clau, dehan nia parte orguillu, tanba hetan konvite hodi partisipa iha aniversáriu loron munidal Xinezas nian inklui mós lansa loja Meamart, hodi aprezenta dansa tuir kultura Timor furak nian.
“Ami hetan kovite husi timor plaza atu halo apresentasaun ba sira nia loron xineses nian no mós inagurasaun ba supermarket, entaun ami foti tema tais mean, tanba ita hare’e xina sira kuinsesidu mean, ami prefere usa tais mean,” dehan Nia.
Nia hatutan, animasaun dansa ne’e mistura husi munisipiu rua Baukau no vikeke, antes ne’e mós tuir festival nasionál no internasional iha nasaun 21, Italia, Fransa, españa , Makau Australia, Jakarta, Gresia, Amerika, inklui nasaun seluk tan.
Entretantu partisipa iha aniversáriu loron Xinesas ne’e, maioria husi komunidade xinesas rasik no Laureado Nobel da paz Jose Ramós Horta inklui Timor oan sira.
Jornalista : Pedro de Almeida
Editora : Nelya Barros
