Lafaek News—Relasiona frekuensia anin maka’as kobre territorial Timor Leste iha fulan Dezembru 2022, ho vilosidade maka’as impakru iha munisípiu Ainaro sobu edefísiu media online Orluli news iha loron 30/12/2022 iha munisípiu Ainaro inklui populasaun sira nia uma.
Natureza anin nian mosu la tuir oras no ema labele haree, maibé sente nia presaun ho forsa forte liu iha territoriu Timor Leste, silu ai hun boot sira monu hanehan plantasaun komunidade sira nian iha munisípiu Ainaro inklui sobu mos komunidade sira ninia uma, no oras ne’e da-daun autoridade lokál munisípiu Ainaro hala’o hela verifikasaun namanas ba uma hirak ne’ebé estragus husi anin.
Diretora media online Orluli News munisípiu Ainaro, Clementina Fátima da Costa de Araújo, espresa sentimentu tristeza ligadu ho natureza nia siak sobu nia edefisiu ne’ebé foin rehabilita hodi fasilita jornalista sira hala’o servisu iha redasaun no administrasaun labele la’o ho diak, tanba kalen nakloke hotu no presiza tempu ho osan hafoin bele normaliza edefisiu refere.
“Natureza ne’e ita la espera atu sai hanesan ne’e, ohin akontese ona anin sobu ami nia edifisiu ne’ebè maka ami halo rehabilitasaun seidauk too tinan, agora hetan estragus total, no ha’u senti triste tebes bainhira hasoru situasaun ida hanesan ne’e, triste tebes ba ami maka ekipamentus elektróniku sira hetan estragus hotu,” dehan Clementina Fàtima da Costa de Araújo ba lafaek news iha munisípiu Ainaro, kuarta semana ne’e.
Edefisiu refere too ohin loron seidauk hadia ho razaun anin iha munisípiu Ainaro seidauk normal no kontinua aumenta ho forsa boot hasusar mos komunidade kiik sira atu buka moris iha merkadu.
Observasaun lafaek news nota funsionariu media Orluli nian obrigatóriu tenke okupa uma tatis BPU Ainaro hodi hala’o kobertura ba situasaun hotu iha munisípiu Ainaro, no situasaun ohin loron anin kontinua halo trauma populasaun sira no tenke hela de’it iha uma laran hodi salva an husi dezastre, aliened ne’e too ohin loron mos eletrisidade kontinua mate tanba impaktu husi ai ne’ebé tohar hanehan fiu eletrisidade kotu namtaten iha rai leten iha ne’ebé seidauk normaliza husi parte kompetente.
Jornalista: Juneya da costa
Editor : Agapito de Deus
