Lafaek News—Sekretariu jerál partidu Fretilin, Mari Alkatiri hateten, iha tinan naruk orsamentu ne’ebé hanesan ponte boot liu mak Minerais, maibé la asumi ponte ne’e hanesan osan ida ne’ebé mai husi fundu-minarai, más asumi hanesan tusan ida ba futuru jerasaun.
Eis Primeiru Ministru Sétimu Governu Konstitusional atual Sekretariu Jerál Partidu FRETILIN, Mari Bin Amude Alkatiri, ba jornalista sira liu husi koneferénsia imprensa, 07/11/2024, iha Comite Central FRETILIN Komoro, nia dehanbaze ba argumentasaun atu hahu husi orsamentu jerál do estado 2025, tanba preokupasaun ne’e la’os ba ema ida de’it, maibé Ida ne’e ba sosiedade tomak nian no sustentabilidade prosesu dezenvolvimentu, tanba tinan naruk tebes orsamentu ne’ebé hanesan ponte boot liu mak fundus minerais
“Ita hotu hatene katak tinan naruk tebes Ita nia orsamentu ne’ebé ponte boot liu ida maibé mak fundu minerai Ita ho Ponte Ida ne’ebé Ita la asumi ponte ne’e hanesan osan kitan sai husi Ponte ne’e, Ita tenki asumi hanesan tusan ida ba jerasaun foun iha Futuru, Ita hanoin katak osan ne’e mai husi ita nia ekonomia produtiva sei bele haburas nafatin Ita gasta osan Sira ne’e hanesan osan bolsu nian baibain,” lider partidu FRETILIN ne’e afirma.
Osan ne’ebé halo buat ida hanesan transforma tiha rai doben ida ne’e hanesan lalehan ida ba moris iha lalehan rohan laek buat hotu rohan laek, maibé hamate ekonomia no hamate setor Produtivu, hamate tiha garantia atu harii prossesu Dezenvolvimentu no haluhan atu investe iha setor edukasaun iha formasaun
“Formasaun ida ne’ebé mak importante liu ita haluhan mak formasaun de karakter durante tinan naruk Ida ne Ita la halo Ita rasik hatudi karakter Ida la di’ak lideransa rasik hatudu karakter ne’ebé mamuk ho valores ne’e akontese ba Ita agora atu tama rai kuak se kompara ita nia situasaun agora ho nasaun seluk iha Asia, maibé ba buat dia’k no buat ita iha karik liu, ligadu ho asuntu ne’e haree ba ekonomia ita nia konsumu rasik boot liu ba ita nia produsaun iha rai laran signifika konsumu Ita nian la ajuda iha kreximento ekonómiku, konsumu ita nia ajuda atu hamamuk rekursus tanba laiha ekonomia,” nia hakotu.
Jornalista : Felix Fernandes
Editor : Anideto Dias
