Lafaek News—Sekretariu Jeral Partidu Frente Revolusionáriu Independente Timor Leste (FRETILIN), Mari Alkatiri afirma, nia rasik seidauk fila kotuk ba ema ida, ko’alia rekonsiliasaun mas oin la hateke malu, atu fo sala ba se.
Alkatiri hatoo asuntu ne’e hafoin partisipa iha komemorasaun loron juventude loriku aswa’in 12 Novembru 1991, iha Santa Kruz Dili, hafoin hasoru malu ho Prezidente Repúblika José Ramos Horta inklui ho lider nasional seluk hanesan, Lú Olo, Lere Anan Timur ho Falur Rate Laek.
“Ha’u sei la Fila kotuk ba Ema Ida hau ohin hasoru Hau Nia Adiversariu nia mak mai ko’alia rekonsiliasaun nia la fo oin mai ha’u entaun se sala,” Alkatiri deklara iha segunda (12/11/2024) iha Santa Krúz Dili.
Lider FRETILIN ne’e argumenta, nia prekupasaun liu-liu ho moris juventude sira nian, sira tenki iha polítika ida atu fo ba juventude sira konfiansa no esperansa ba futuru, iha hanoin nafatin ba kotuk, hanoin nafatin atu halo rekonsiliasaun la’o ba oin, maibé rai ne’e nia futuru iha juventude sira nia liman, laiha política ida atu enkuadra juventude sira iha prosesu dezenvolvimentu nian liu-liu edukasaun no saúde.
“se Laiha polítika Ida atu hadia edukasaun ho saúde atu joven Sira bele manan matenek, mana siénsia no manan teknolojia, sei laiha polítika ida ne’e, Ha’u sei nafatin halo resesaun polítika ida ne’ebe la fo inportánsia ba ida ne’e,” Alkatiri fundamenta.
Tuir nia, modelu rekonsiliasaun ida ne’ebe diak liu mai husi fuan ho laran la’os atu halo rekonsiliasaun hodi buka votus, maibé entre povu Indonézia ho povu Timor Leste, la prezisa rekonsiliasaun entre estadu prezisa liberdade no lia loos no amizade.
“Hau dehan entre povu Timor Leste ho povu Indonesia la prezisa rekonsiliasaun entendimentu entre estadu prezisa Liberdade lia-loos atu bele iha amizade Ida ne Mak Ha’u muda ba komisaun rekonsiliasaun ba komisaun Liberdade i amizade, maibe Ha’u la halo propoganda katak Ha’u mak tau,” dehan nia.
Entretantu iha komemorasaun loron istóriku ne’e, iha tinan ne’e komemora ba dala 33 ne’ebé realiza iha Santa Krúz, no observasaun Lafaek News nota, Primeiru Ministru Kay Rala Xanana Gusmão la partisipa iha loron istóriku juventude lori aswa’in ne’e.
Jornalista : Felix Fernandes
Editor : Agapito de Deus
