LafaekNews-Akademista husi Universidade Nasionál Timor Lorosa’e (UNTL) Vise dekanu Fakuldade Ciénsia Sosiais(FCS), Julio Aparicio, husu governu liu husi Ministériu Saúde (MS) labele obriga Sidadun atu tuir sira nia hakarak relasiona ho deklarasaun katak posibilidade Timor oan sei vasina dala tolu
“Ministeriu Saúde labele obriga Sidadun sira atu tuir sira nia hakarak,katak sidadaun sira sei iha posibilidade atu simu vasina dala tolu, tanba ida-ne’e ita ko’alia ona kona-ba ema nia vida, nune’e husu atu keta obriga populasaun tuir fali sira sira (governu) hakarak,”Dehan akademista UNTL, Julio Aparicio iha nia knaar fatin Kaikoli, Kuarta(22/09/2021)
Nia hatutan,hakarak sidadaun simu vasina dala tolu entaun Ministériu Saúde tenke hatudu evidénsia no razaun
“Ministra Saúde (MS) mak iha koñesimentu no sira mak hatene kona-ba ida-ne’e, maibé ami nu’udar akademista ami husu de’it sira nia razaun no evidénsia iha ne’ebé, tanba uluk fo sai katak vasina dala rua la’o livre, ho estetmentu ne’e mak ohin loron ema hotu hakarak vasina, agora vasina atu ba dala tolu entaun ne’e ho razaun saida no evidénsia saida, apakah ministra ne’e halo ona estudu kle’an ida ka estudu sientífiku ida kona-ba vasina datoluk nian ne’e,”nia dehan.
Akademista ne’e husu atu keta hare tuir ema sira iha nasaun seluk tanba dalaruma ema dehan Timor-Leste la iha koñesimentu kona ba ida-ne’e entaun ema negosíu ho Timor-Leste. nune’e husu Ministriu Saúde mós labele tuir polítika mundu nian.
Antes ne’e ministra saúde Odete Belo, hateten, posibilidade populasaun iha territóriu laran tomak sei simu tan vasina ba datoluk.
Jornalista : Sandi Belo
Asisten Editór :Egidio Nono
