Lafaek News—Orgnizasaun Noun Governamental, Asia Justice And Rights (AJAR), konsidera oknum Polísia Nasional Timor-Leste (PNTL) ne’ebé halo agresaun fiziku hasoru povu kiik ne’e Viola direitu humanus.
Diretór, Ezekutivu AJAR Jose Luis de Oliveira, informa, instituisaun PNTL la funsiona hametin ninia integridade katak, instituisaun polísia ne’e tuir Konstituisaun RDTL dehan, PNTL atu proteze direitu humanus la’os atu viola direitu umanu
“Ita lamenta tebes atitude ne’ebé oknum PNTL ne’ebé halo agresaun fizíku no hatudu brutalidade hasoru povu kiik, se akontese beibeik hanesan ne’e signifika intituisaun PNTL rasik halo ona violasaun direitu humanu,” dehan Diretor AJAR José Luiz de Oliveira, ba jornalista Lafaeknews iha nia knaar fatin Farol Dili, Segunda 24/05/2021.
Diretor AJAR ne’e esplika, iha instituiaaun polísia iha orgaun justisa, unidade justisa, ida-ne’e tenke funsiona atu hametin integridade iha instituisaun kuandu membru ruma halo violasaun ba direitu humanu tenke halo prosesu nune’e labele repete tan
Nia afirma, Hatudu brutalismu ba sidadaun ne’e diskriminasaun tanba polísia implementa lei la bazeia ba prinsipíu artigu 16 K-RDTL katak, ema hotu iha lei nian okos
Diretór ezekutivu ne’e mós husu ba membru parlamentu nasionál tanba sira iha kompeténsia boot, tenke iha fiskalizasaun tuir lolos parlamentu bolu Komandante polísia halo verifikasaun ba asuntu ne’e.
Jornalista : Orlando Magno
Asisten Editór : Egidio da C. T. Nono
