Negosiante Au-funan, Marcos Lobato Rodrigues
Lafaek News–Marcos Lobato Rodrigues hadomi profisaun kuda ai-funan, tanba bele sustenta nesesidade uma laran inklui oan sira nia eskola.
Marcos Lobato Rodrigues hateten kuda Aifunan tamba bele halo uma oin matak maske uma simples no mos bele faan hodi sustenta uma laran.https://www.lafaeknews.tl/kjf-transforma-lixu-nakfilak-ba-ai-funan-kor-fresku/
“Ha’u hakarak kuda Aifunan tanba iha parte ida bele halo uma oin matak, maske uma simples maibé ho Aifunan ne’ebé mak matak no halo ema barak Sempre mai hola Aifunan iha ne’e” nia hateten ba jornalista estajiada Lafaek News iha Balibar foin lalais nee.
Alende ne’e ai-funan ne’ebe nia faan ho folin tuir modelu ne’ebé la hanesan iha balun vaizu kiik balun vaizu boot, kada ai-funan ne’ebé nia faan nia folin husi $2.50 no iha balun to dolar 50.
Marcos dehan, iha momentu seidauk aplika estadu emerjensia dalan livre ema barak vizita fatin ai-funan, maibé situasaun estadu emerjensia continua estabelese movimentasaun iha base reduz inklui visitants Ai-funan ba iha Suku Dare tun no ikus mai Ai-funan barak sai maran no lakon fresku.
“Uluk kuandu seidauk estadu emerjensia kada loron ida ami bele hetan rendimentu to $50 ka $60 dolar, maibe agora loron ida $10 dolar de’it mos latoo ou dalaruma mai laiha liutan,” nia hateten
Nia afirma, rendimentu ne’ebé mak nia hetan kada loron husi faan ai-funan ne’e hodi sustenta fali ba uma laran no osan balun lori lao ba hola fali Aifunan sira seluk hodi mai aumenta tan.
Estajiada : Carla Borges
Editor : Agapito de Deus
