Lafaek News—Diretór Ezekutivu Assosiasaun Halibur Defisiénsia Matan Timor Leste (AHDMTL) Gabriel Ponciano, afirma nia parte konsidera avansus no progresu implamentasaun planu asaun nasional ba Ema ho Defisiénsia (EhD) seidauk hala’o ho di’ak iha munisípius.
Diretór AHDMTL hato’o asuntu ne’e hafoin partisipa iha mini-workshop ho tema Ba futuru ne’ebé inkluzivu no seguru no loke poténsia tomak husi Timor-oan sira-nia diversidade hotu, iha salaun Madre Alma bebonuk Dili, kinta (27/03/2025), katak avansus progressu no dezafius implementasaun Planu Asaun nasionál ba Ema ho Defisiensia, seidauk realiza ho di’ak hosi Ministériu Solidariedade Sosial no inkluzau iha munisípiu hotu.
“Governu liuhusi parseiru save sira seidauk implementa planu asaun nasionál ba ema ho Defisiensia tanba implementasaun programa iha Municipio seidauk la’o ho di’ak, ezemplu konstrusaun edifísiu seidauk asesivel no seidauk involve Ema ho Defisiensia foti desizaun iha implementasaun programa sira,” Diretor Ezekutivu AHDMTL, Gabriel Ponciano de Sousa ba Lafaek News iha salaun Madre Alma Bebonuk Dili, kinta semana ne’e.
Iha fatin hanesan Diretór Jerél SEFOPE, Carlito Rosario Cabral, haktuir SEFOPE iha kompremísiu hakarak apoiu no hakbiit ema ho defisiénsis no fo oportunidade atu kontribui ideia ba estudu ba programa sira hanesan formasaun professional auto-empregu, no traballu ne’e aplika ba grupo mínimu ema na’in tolu ba leten, iha tinan kotuk apoiu ema defisiénsia iha ofisina no apoiu mós iha Baucau defisiensia balun ne’ebe fo formasaun ba ema ho defisiensia no la ho defisiensia, ami mós apoiu iha área alfaeti grupo defisiensia hatama proposta mai ami sempre fo prioridade,” Diretor Jerál SEFOPE Carlito Rosario relata ba jornalista hafoin partisipa iha workshop iha salaun Madre Alma Pantai Bebonuk.
Workshop ne’e hetan partisipasaun husi parseiru governu hanesan SEFOPE, MSSI no Plan Internasionál inklui organizasaun Sosiedade sivil sira iha Timor Leste.
Jornalista : Acacio Pinto
Editór : Agapito de Deus
