Lafaek News – Provedoria Direitus Umanus no Justisa (PDHJ) Timor-Leste selebra nia aniversariu ba dala-22 ho tema ho tema: “PDHJ Forte Tuir Ordem Konstitusionál – Timor-Leste ida ne’ebé respeita no proteje direitus umanus ho servisu públiku ne’ebé justu no efetivu”, ne’ebé realiza iha Salaun Apuramentu Nasionál Comissão Nacional de Eleições-CNE, Kolmera-Díli, Tersa-feira, (26/05/2026).
Provedor-Adjunto ba Boa-Governasaun, Rigoberto Monteiro hateten, tinan-tinan PDHJ selebra nia aniversariu no tinan ida ne’e PDHJ selebra ba dala-22 ho atividade sira hanesan dialogu interativu ho parseiru sira no mos halo lansamentu relatóriu PDHJ nian tinan 2025.
Nia haktuir, PDHJ halo lansamentu ba relatóriu ba servisu monitorizasaun ligadu ba asuntu sosial nian hanesan, relatoriu monitorizasaun ba servisu prizaun, servisu saude liu-liu ba ba ospitl referal sira no sentru saude iha komunidade.
“Ami mos lansa relatorio tematiku seluk kona-ba evaluasaun ba implementasaun ho defisensia nia relatorio anual, relatorio kontas PDHJ nia 2025, ami mos lansa invistigasaun ba kaju sira ne’ebè PDHJ investiga iha periodu 2025, rekomenda ba entidade, relatóriu lubuk bo’ot ne’ebé kada tinan ami sempre lansa husi servisu sira PDHJ nia” dehan Provedor-Adjunto ba Boa-Governasaun, Rigoberto.
Entertantu, atuvidade selebra aniversáriu PDHJ ba dala-22 hetan partisipasaun husi membru governu, autoridade Seguransa no Defeza, parseiru PDHJ nian no mos entidade sira seluk.
Jornalista: Rozita M. da Silva