Lafaek News–Uniaun Estudantil Universitariu Munisipiu Viqueque (UEUMV) ezije ba nuno Governu konstitusional liu-liu Ministeriu Obras Publika (MOP) atu hadi’a infra-estrutura hanesan estrada, ponte, bee moos no eletrisidade iha Munisipiu Viqueque espesifikamente iha Postu Administrativu 5 hanesan, Ossu, Watulari, Watukarbau, Lakluta no Viqueque Villa.
Kestaun ne’e Porta Voz UEUMV, Apolinario da Silva hato’o iha konferensia imprensa ne’ebé hala’o iha Jardim 5 de Maio, Sesta-feira (22/05/2026).
“Iha munisipiu Viqueque, Postu Admistrativu 5 hanesan, Viqueque Vila, Ossu, Watulari, Watukarabau, Lakluta, agora dadaun sei infrenta hela infrestutura mak estrada, ponte, bee moos no eletrisidade”, Portavoz esplika.
Nia hatutan katak, hanesan Viqueque oan ne’ebé halibur malu iha UEUMV ezije ba governu atu fo atensaun ba problema ne’ebé komunidade munisipiu Viqueque hasoru, tanba ne’e hola parte iha tres pilares ba akademiku katak estuda, peskisa no kontrola sosial, hodi se tilun rona no loke matan ba povu lian laek sira husi munisipio Viqueque ne’ebè agora dadaun sei imprenta hela problema infrestutura.
Iha biban ne’e, Nelson Manuel Ximenes reforsa, MOP presiza hadi’a estrda husi Postu Ossu to’o Viqueque Vila, ponte husi Watulari Ailembata mos tenki halo tamba tempu udan viajen ba mai mos la di’ak.
“MOP sira presija hadi’a estrada iha munisipio Viqueque, sei la lahadi’a, ami Viqueque sei la tuir votasaun iha 2027, 2028. Ami vota mos ami povu natatin terus no sofre nafatin ba infra-estrutura. Ami povu atu lori ami nia produtu ba merkadu mos la di’ak”, Nelson prekupa.
Entertantu, musipiu Viqueque riku ho fatin turismu exemplu fatin turismu iha Ossu Larigutu, bee menas Loihunu, bee manas iha Kararas, Ira Bere, Ponte Ailembata no fatin sira seluk to’o agora dalan asesu ba fatin turismu sira ne’e at tebes.
Jornalista:Rojita M. da Silva
