Lafaek News (Kovalima)— Kooperativa Feto (AKF) Suku Matai postu administrativu Maucatar munisipiu Kovalima, segunda (09/03/2026), ofisialmente aprezenta programa ba autoridade lideransa lokal suku Matai ho objetivu realiza feira iha ámbitu komemorasaun loron Internasionál feto rurál ne’ebé monu iha loron 15 Outubro 2026 iha munisípiu Kovalima.
Asosisaun Kooperativa Feto (AJF) Suku Matai ho nia membru 192 ne’ebé, sai mahan husi grupu lima mak hanesan grupu Solidariedade ho nia membru 80, Grupu haforsa ho nia membru 24, gropu Naroman membru 33, grupu esperansa membru 26 no grupu unidade ho nia membru 30 ne’ebé hahú estabelese iha 2023.
Objetivu estrabelese grupu kooperativa ho intensaun atu halibur feto sira no enkoraza feto envolve iha organizasaun ho baze kooperativa, apoiu feto ba halo mudansa iha Suku Matai postu Administrativu Maucatar
“Ami mai atu apresenta ami nia programa ne’ebé mak durante ne’e ami hala’o iha ambitu hodi halo preparasaun komemora loron Internasionál feto rurál iha suku Matai”, Presidente Asosiasaun Koperativa Suku Matai,Fátima Amaral Freitas dehan ba jornalista sira hafoin hasoru malu ho xefe Suku Matai, iha Sede Suku Matai.
Bazeia ba planu feira ne’e foku feira artezenatu no mos produtu lokál husi suku Matai ne’ebé sei realiza iha Suku Matai durante semana ida.
Durante ne’e Asosisaun Kooperativa Feto Matai eziste hetan apoiu husi Word Vision hodi fasilita formasaun oinsá kooperativa atu hala’o ba oin.
Asosisaun Gropu Kooperativa da-daun ne’e ho nia lukru rihun 10 kontribuisaun husi membru gropu ne’ebé kada fulan kontribui $ 11 dadaun nia osan kapital rihun 10 ona.
Iha sorin seluk Xefe Suku Matai, Nuno José Mesquito Perreira dehan aprezenta progresu servisu ba xefe Suku Matai katak sira estabelese ona estrutura no dezeñu logo no aprezenta totalidade membru ne’ebé servisu iha assosiasaun hirak ne’e.
“Asosisaun aprezenta sira nia progresu servisu mak hanesan forma estrutura darante ne’e hodi apresenta sira dezeñu hodi halo logo ,aprezenta totál membru fatin servisu ba Asosisaun “ nia dehan.
Aleinde ne’e aprezenta planu Asosisaun Kooperativa atu loke feira iha ambitu hodi komemora loron Internasionál feto rurál ne’ebé sei monu iha loron 15 fulan Outobru 2026 ne’e.
Kontributora : Maria Oliveira
