Lafaek News—Assosiasaun Jornalista Timor Leste (AJTL) simu fundus 8.000 resin hosi Sekretaria Estadu Komunikasaun Sosial hodi fasilita formasaun forum dijitál Artifisial intelejénsia (AI) ba estudantes 30 de Agusto ho eskola sekundária 04 Setembru inklui eskola Saun José Operáriu Balide.
“AJTL hetan apoiu fundus husi SEKOMS hodi fasilita forum dijital literasia no artifisial intelejénsia ba estudante sira husi eskola ne’ebé partisipa iha nee bele fahe konba importansia husi literasia dijital atu hasae konesimentu Saida Mak Artifisial intelejénsia (AI) atu Estudante Sira bele komprende no konesimentu iha era dijital,Tamba Agora Timor Leste Tama ona Asean presija hasa’e estudante sira nia abilidade oinsa uza internet saudavel, materia ohin loron nia panelista husi PDHJ sei ko’alia kona-ba direitus umanus no direitu dijital saida mak foin-sae sira nia direitu iha plataforma dijital oinsá atu proteje-an oinsá kontra bulin oinsá bele espresa sira-nia direitu ba liberdade espresaun ba plataforma dijital no husi peskijador artifisial intelejénsia mos sei aprezenta sira nia peskija liga ho AI no nia faktus ba joven sira ne’ebé utiliza sosial media i husi mos AJTL rasik sosializa importánsia literasia dijital foin-sae sira oinsá bele utiliza plataforma ne’e ho saudavel presija iha konesimentu atu uza iha eskola halo diskusaun,” Prezidente AJTL Zevonia Vieira ba jornalista Sira iha salaun Yayasan Hak Farol, Kinta 13/11/2025.
Iha fatin hanesan Sekretaria Estadu Komunikasaun Sosial, Expedito Dias Ximenes hatutan, IX Governu servisu hamutuk organizasaun Jornalista sira realiza forum dijital ba estudante sira atu utiliza media sosial plataforma ne’e ho diak no resposabilidade.
“Ohin mai abertura ba forum dijital formasaun ba joven no estudante sira ne’ebé IX Governu servisu hamutuk ho organizasaun Jornalista sira ohin mai iha AJTL no-mós ba TLPU ne’ebé halo iha Suai ho Same no IPJTL nian halo iha Venilale-Manatuto, ohin Ha’u mai abertura AJTL nian iha Dili nia objetivu husi forum dijital ne’e hanesan halo literasia mediátika ba joven no estudante iha eskola munisipiu hotu tópiku prinsipál mak kona-ba literasia dijitál, ne’e Ita ko’alia konaba ba oinsá joven sira hanesan futuru ho esperansa nasaun uza media sosial plataforma ne’ebé iha hanesan facebook Tiktok, Twitter, YouTube no Google atu uza ho responsabilidade.
Governante ne’e sublina, ba dadaun mundu avansu ho dijitalizasaun no teknolojia hanesan Artifisial Intelejénsia (AI), iha mos vantajen no desvantajen, tanba ne’e forum dijital ne’e importansia ba estudante sira atu utiliza media social ho reponsabilidade.
“Forum dijital la’o durante ne’e ko’alia kona-ba vantajem no desvantájen artifisial intelejénsia Ita hotu hatene artifisial intelejénsia buat Balu ita bele aprende husi iha nee buat Balu moos lori mos informasaun falsa artifisial intelejénsia lori Ita Tamba nee formasaun nee importante ba joven Sira atu nu’une iha abilidade iha konesimentu uza media sosial ho plataforma ne’ebé ho diak no responsabilidade.
Governante ne’e mos apela ba komunidade tomak uza media sosial ho responsabilidade no étika, dala-barak uza hodi aproveita espasu dijitál ne’e hateten A’at ema balu, uza atu halohalo servisu uza atu moris iha sosiedade ne’ebe matenek ho kualidade,
“Formasaun ne’e importante tebes atu fahe informasaun ba estudante no joven sira tamba joven idade produtivu 65% to 70% hanesan potensial ne’ebé uza media sosial barak, tan ne’e mak governu hamutuk ho organizasaun Jornalista sira inklui Konsellu Imprensa realiza formasaun forum dijital, diskusaun ida la’os governu de’it mai fo ninia hanoin, maibé konvida mós espesialista peskizador media sosial no plataforma sira iha esperensia barak atu fahe ba estudante sira nune’e bele reduz halakon hoax no desinformasaun mosu iha sosiedade.
Jornalista : Moises Guterres
