Lafaek News-Estudante universitariu Seloi-Oan hamutuk ho Autoridade lokal realiza lamenta ho kompania hamutuk 5 kompostu hosi Caviq Unip, Lda, In Jv With Sunnines Unip, Lda, Lng Unip Lda, Saksaur Unip Lda no Mortiles, ne’ebé halo estrada iha suku Seloi-Kraik no Seloi-Malere, kompania abandona kuaze tinan 6 ona laiha atividade konstrusaun Estrada no irrigasaun.
Asis Pinheiro hanesan Portavoz estudante Universitáriu Seloi-oan, hamutuk ho autoridade lokál suku Seloi-Kraik, hato’o sira- nia ezijensia ba Ministériu Obras Publikas hodi haree kompaña sira ne’ebé halo rehabilitasaun ba estrada Haleu Lagoa-Seloi, durante tinan (6) ona ladauk finaliza estrada refere.
“Haree ba realidade infraestrutura iha suku Seloi-kraik, liu-liu iha area infra-estrutura báziku sira hanesan estrada ne’ebé hetan reahabilitasaun husi kompaña CAVIQ UNIP, LDA, IN JV WITH SUNNINES UNIP, LDA, LNG UNIP LDA, SAKSAUR UNIP LDA no MORTILES, ne’ebé mak abandona to’o agora”, Asis Pineiro ba Lafaek News iha Seloi, 12/08/2025.
Nia dehan, bazeia ba observasaun no informasaun husi konsellu suku Seloi-kraik no Seloi-Malere kona-ba rehabilitasaun estrada haleu lagoa Seloi, iha ne’ebé halo besik tinan 6 ona husi kompaña kontrator sira seidauk finaliza no sai abandonadu to’o ohin loron.
“kompania Caviq Unip Lda in Jv With Sunniness Unip Lda, Lng Unip Lda, iha ne’ebé data hahu 22 Fulan Janeiru tinan 2020 no remata iha loron 21 Fulan Janeiru tinan 2021, ho orsamentu ba estrada refere hamutuk $717, 064. 23, (rihun atus hitu sanulu resin hitu, dolar nenulu resin ha’at, sentavus ruanulu resin tolu) kaer ponte no saluran to’o agora seidauk finaliza no sai abandonadu ba projeitu refere no hetan kontinuasaun husi kompaña LNG Unip Lda no Mortiles, to’o agora seidauk finaliza, husi kontrator sira ne’e hetan fiar husi ministeriu obras publiku hodi halo rehabilitasaun ba estrada suku Seloi-kraik no Seloi Malere, to’o agora komunidade suku rua seidauk sente benefisiu husi projetu refere”, Porta-voz salienta.
Projetu refere tinan 6 ona, maibé kompaña sei deve hela traballador sira nia osan to’o agora la dauk selu, nune’e mós kompaña sira nia fatin iha terenu mamuk no iha deit mak traballador sira husi kompaña Chaviq unip Lda, husi preokupasaun komunidade sira nian laiha Deputadu/a ka Ministeriu Kompatente sira atu haka tba fatin refere hodi halo fiskalizasaun hodi haree problema refere.
“Problema ne’ebé tuir situasaun realidade komunidade suku Seloi infrenta ba oras ne’e mak kompaña balun to’o agora seidauk selu traballador sira nia salariu, saluran sira laiha kualidade, tanba ne’ebé kee hela, maibé seidauk finaliza, iha tempu udan bee intupidu hodi fó impaktu ba komunidade sira nia natar, alende estrada sira ne’ebé ateru ho rai mean difikulta movimentu transporte iha tempu udan, nune’e mós laiha fiskalizasaun husi deputadu/a sira durante projetu hahu to’o agora”, Asis Pineiro, deklara.
Asis Pineiro husu ba kompaña sira ne’ebé kaer projetu iha Seloi-kraik, tenke aselera servisu be’ebé mak seidauk finaliza, tanba haree ba kondisaun klima mudansa tebes, bele afeta komunidade sira iha tempu bailoron rai rahun no tempu udan bele afeta ba dezastre naturais sira, husu mós ba autoridade munisipiu, liu-liu dietor obras publiku munisipiu Aileu, atu halo monitorizasaun no tau atensaun ba estrada ne’ebé mak hetan rehabilitasaun husi kompaña sira ne’ebé ma kami temi iha leten. Nia hakotu.
Entretantu, jornalista lafaek news tenta konfirma ho numeru kontaktu hosi kompania sira nian atu halo konfirmasaun kona-ba motivu projetu hirak ne’e abandona, kompania hirak ne’e ninia telemovel fora de area kobertura.
CRISPIN DE J. AMARAL
