Lafaek News—Vise-Ministru dos Asuntos Parlamentares, Adérito Hugo da Costa, hasoru malu ho Vise Prezidente Senadu Hosi Parlamentu Malázia Nian, Datuk Nur Jalan Bin Tan Sri Mohamet, iha tersa 02/07/2025) aborda asuntu kona-ba Timor Leste nia faze preparativus sai membru plena ba iha Asean.
Iha Intervista ho jornalista sira, Vise Ministro dos Asuntos Parlamentares Adérito Hugo da Costa, Informa katak iha vizita ne’e hakarak hasoru malu ho komunidade nasional media Timor Leste atu rona no fahe esperiénsia opinoens sira nune’e iha posibilidade governu ou Estadu Malázia bele tau atensaun ba iha setor media ninian.
” Nia fo kedas hanoin ida katak imi Timor Leste agora iha faze preparativu atu sai membro plena ba iha asean, tan ne’e nia (Datuk Nur Jalan Bin Tan Sri Mohamet) iha interasadu loos vizita ne’e hakarak hasoru malu ho komunidade media nasional Timor Leste bele rona no fahe esperiensia opinoens sira iha posibilidade governo estado malázia mos bele tau atensaun ba setor media ninian liu liu ba jornalista media sira atu halo kobertura ba iha asuntu Asean nian,” Adérito Hugo da Costa Informa ba Jornalista sira Iha Hotel Timor hafoin reuniaun ne’e remata, Dili 02/07/2025
Governante ne’e esplika tan katak asuntu adezaun ba Asean ne’e la’os buat formalidade, maibé ida ne’e partesipasaun iha setor hotu-hotu ne’ebé involve iha ita nia rai, tanba Adezaun ne’e mai ho Komprimisiu Timor Leste sadere ba Asean, nune’e ita mos kompromete atu tama ba iha sistema no regras sira ne’ebé eziste Iha komunidade asean ninia.
Adérito esklarese tan, sira (Malázia) haree iha fatór ida importante mak oinsá posibilidade iha koperasaun ida entre governo ho parlamentu Timor Leste nian ho governo Malázia hodi tau atensaun ba iha posibilidade formasaun ba jornalista media sira oinsá kobertura iha ambiente organizasaun rezional Asean ninian.
Iha fatin hanesan, Vise Prezidente Senado Hosi Parlamentu Malázia nian, Datuk Nur Jalan Bin Tan Sri Mohamet, senti kontenti tebes tanba Timor Leste, bele tama ba iha asean vizita high level ba senadu Malázia ba dahuluk mai iha Timor Leste, ho hanoin ida katak Timor Leste iha faze preparativu atu sai membro ba asean ninian.
“Hau interasadu loos iha ha’u nia vizita ne’e ha’u hakarak hasoru malu ho komunidade media nasional Timor Leste atu nune’e ha’u bele rona no fahe esperiensia ba malu opinoens sira atu nune’e iha posibilidade governu estadu Malázia bele tau mos atensaun ba iha setor media ninina liu-liu jornalista media Timor Leste sira atu halo kobertura ba iha asuntu Asean ninian”, Datuk Nur Jalan Bin Tan Sri Mohamet sublina hafoin remata iha Hotel Timor.
Estajiadu : Amandio Leite
