Lafaek News—Múzeu Rezisténsia Timorense (MRT)realiza espozisaun fotografia ho titlu dalan ba dezenvolvimentu atu motiva foin sa’e sira hatene no komprende istória Timor Leste iha tempu uluk ne’ebé liu ba kotuk.
Diretór Ezekutivo Arquivo no Múzeu Rejisténsia Timorense Jorge Alves “We Moris” esplika espozisaun ne’ebe hala’o ho intensaun atu motiva joven sira hodi hatene kona-ba istoria Timor Leste nian ne’ebé parte múzeu rejistensia rekoilla hosi parte hotu hodi konserva nudar istoria ba ema hotu.
“Ita hatene katak múzeu rezistensia rekolha dadus hotu-hotu la’os ba dt sinzas ou ahu-kdesan, maibe mos dezenvolvimentu nian tanba iha momentu ne’eba fatin balun ladun diak hanesan palasiu governo no seluk tan tan ne’e ita halo espozisaun ne’e importante tebes atu motiva estudante sira hodi hatene istória Timor Leste nian,” We Moris ba jornalista sira iha MRT Dili Timor Leste, 21/05/2025.
Múzeu Rezistensia rekoilla dadus hotu hotu, la’os ba de’it ahu-kdesan, inklui dezenvolvimento nian tanba iha momento ne’eba fatin balun ladun di’ak hanesan palasiu governu no seluktan, tan ne’e espozisaun ne’e importante tebes atu motiva estudante sira hodi hatene istoria Timor Leste nian.
Jorge Alves “We mori ” reforsa katak luta ba independensia Timor Leste mai hosi sakrifisiu oi-oin, tan ne’e joven sira presija hatene klean istória luta ba ukun rasik an husi inisiu too independensia.
Iha fatin hanesan, Vise-Ministru Asunto Parlamentar Adérito Hugo da Costa, hatutan, Timor Leste iha istoria ne’ebé todan, nakukun no terus sosa ho folin karun, tan ne’e husu ba ema hotu liu-liu joven sira atu respeita istória ne’ebé akontese iha pasadu nunee bele sai ema ida ne’ebé ho identidade lolos.
“Timor niia istória hosi nakukun no terus sosa ho folin karun, fiar katak dalan ne’ebé ita la’o ho ulun no hanoin ne’ebé di’ak no povu ne’ebé la respeita ninia istoria nia laiha identidade.
Entretantu iha espozisaun ne’e hetan partisipsaun másimu hosi estudante sira inklui membru governu sira hodi halo vizita ba sala múzeu rejisténsia hodi haree diretamente fotografia hirak ne’ebé sai ona memoria no istória iha pasadu.
Jornalista :Natalino C. Lopes
