Lafaek News—Asosiasaun Akademika Estudantil Faculdade Medisina Siensia Saude ( FMCS ) UNTL Tersa feira 29 /04 / 2025 hala,o komunikadu imprensa hodi fo sai ba publiku kona-ba aktu irregularidade ne’ebé aplika hosi estrutura FMCS Universidade Nasional Timor Loro sa’e nian.
Iha komunikadu Imprensa, Cancio Fernandes fo sai irregularidade hanesan komete hosi estrutura FMCS mak hanesan aproveita estudante foun suku farda hodi hetan osan, ne’e viola prinsípiu paz no harmonia, viola Normas ne’ebé aplika ona iha UNTL, át liu mal Jestaun, kobransa ilegal no asediu seksual ne’ebe komete husi estrutura FMCS Universidade Nasional Timor Lorosae UNTL.
“Irregularidade aktu aproveita estudante foun suku farda hodi hetan osan aktu ne’e aplika hosi Diretor Departamentu Eskola Superior Teknolojia Saúde inisial MS SKM .MMTSC, tanba tuir informasaun hetan subornu hosi kompanhia Alfaiate Felicia,” Cancio informa ba jornalista sira liu hosi konferénsia imprensa iha Lahane Dili, tersa (29/03/2025)
Irregularidade viola prinsípiu paz no harmonia aktu ne’e aplika hosi Diretor ESTeS ho inisial MS ameasa atu oho estrutura asosiasaun departamentu ESTeS hodi impede no disolve asosiasaun ESTeS, iha mos Irregularidade hanesan viola normas ne’ebé aplika ona iha Universidade Nasional Timor Loro sa’e, aktu ne’e aplika hosi Diretor Departamento Parteira UNTL hodi hasai estudante sira nia naran hosi lista estájiu la justu no aplika sansaun disiplinar.
Irregularidade mal jestaun aktu ne’e aplika hosi Vise Dekanu Asuntu Estudantil hanesan mos Presidente KO ba praxe akadémika FMCS Ano letivo 2025 ne’ebé nota katak la ezekuta lolos osan orientasaun akadémika nian, halo Kobransa ilegal aktu ne’e aplika hosi estrutura FMCS ne’ebé obriga estudante sira entrega livru transkrisaun ho valor $ 10 dollar inklui kobra estudante hola projector no hadia AC.
Iha mos Irregularidade asédiu seksual, aktu ne’e komete hosi dosente bainhira bimbing KRS, maske estudante sira asina ona dokumentu, maibé livre asédiu seksual iha kampus, relasiona ho aktu iregularidade hirak ne’e estudante sira husu asosiasaun akadémika hosi faculdade hotu iha UNTL, atu apoiu ezijénsia ida ne’e, tanba la kleur tan Asosiasaun Akadémika Fakuldade Medisina Siénsia Saúde sei blokeia total funsionamentu fakuldade nian, farik superior sira laiha vontade atu resolve problema refere.
Entretanto Jornalista tenta konfirma ho Diretor Departamentu Eskola superior Teknolojia Saúde Miguel Soares, maibé diretor refere lakohi fo komentáriu ho razaun laiha Karta konesimentu.
Jornalista : Maria José/Natalino C. Lopes
