Lafaek News—Organizasaun Noun- Governamental (ONG) Assosiasaun Halibur Defisiénsia Matan Timor Leste (AHDMTL), sesta (28/02/2025), aprezenta progresu servisu ne’ebé halo ona atu hametin estratejia foun hodi kontinua servisu ba asuntu inkluzaun social.
“ Ohin ita mai hamutuk iha ne’e ho objetivo hodi apresenta progresu servisu durante organizasaun sira halo nune’e ita bele hametin estratejia advokasia alende halo mos lansamentu ba profile organizasaun Ninian,” Diretor AHDMTL Gabriel Ponciano de Sousa ba Lafaek News hafoin remata enkontru iha Suar Room TP, sesta (28/02/2025)
Iha okaziaun ne’e AHDMTL ne’ebé tutela iha ADTL lansa mos profile membru organizasaun sira hotu ne’ebé hola parte iha ADTL no AHDMTL nafatin iha planu annual hodi la’o tuir vizaun no misaun.
“AHMDTL nafatin iha ninia planu misaun ho vizaun Estrategiku ne’ebé maka iha no mos AHDMTL mos lao tuir Planu annual ne’ebé maka iha,AHMDTL mos oha planu ida hare liu ba halo Advokasia ba setor edukasaun ho Setor hotu – hotu,” Haktuir Gabriel Ponciano de Sousa.
liu husi advokasia ne’e AHDMTL sei lori ema ho difisiensia matan ba partisipa diretamenta iha edukasaun públiku tuir planu ne’ebé AHDMTL preparadu ona.
Observasaun jornalista Lafaek News nota iha sorumutu ne’e hetan partisipasaun másimu husi membru AHDMTL ho ADTL inklui membru sira hosi organizasaun hanesan.
Jornalista : Ezequiel J. Freitas
Editor : Agapito de Deus
