Lafaek News—Administrador Sub-Rejiaun Pássabe Rejiaun Administrativa Espesial Oe-Cusse no Ambeno (RAEOA), Paulino Marques, hatoo sentiment gratidaun ba IX Governu Konstitusional ne’ebé lideradu husi Xanana Gusmão, bele servisu hamutuk ho UNFPA hodi tulun feto sira iha areas rural.
Paulino hatoo asunti ne’e hafoin partisipa iha lansamentu sentru saúde Sub-Rejiaun Pássabe foin lalais iha suku Avane no Malelat sub-rejiaun Pássabe, hodi hatoo nia agradesimentu espesial ba UNFPA ne’ebé buka fundu hodi harii sentru saúde hodi hakbesik ba komunidade asesu ho di’ak.
“Nudar reprezentante povo, iha suku Avane no malelat sente orgullu no agradese bo’ot ba governo ne’ebé kria fasilidade ida ne’e, bele tulun ami nia maluk feto sira, hetan asistensia di’ak, bainhira partus, no bele mos Redus Mortalidade inan durante ne’e maluk feto balu sei partus iha uma tanba sentimentu moe ka lasun konsiensia iha atu uza fasilidade saúde, maibé barak mak uza ona fasilidade saúde atu bele hetan asistensia wainhira partus,”hateten Administradór Postu Passabe Paulino Marques ba Jornalista Sira iha Postu Passabe Rejiaun espesial Oecusse, Kinta (12/12/2024)
Iha fatin hanesan, Vise Ministru Fortalesimentu Institusional da Saúde (MFIS), José dos Reis Magno, argumenta iha inísiu independensia governu esforsu makas halo redusaun, maibé presiza halo treinamentu ba doutor ho enfermeira sira hodi hasa’e kapasidade sira nia abilidade ba kna’ar ne’ebé sira halo.
“Governo desde inisio independensia, governu hotu halo esforsu makas ita halo ona redusaun lubuk ida mais ne’e sedauk to esforsu presija halo tan, munisipio ida ita halo ba fatin rua klinika maternidade rua klinik ne’e ita hasae nia kapasidade, no fatin nee tenki reahabilita deposit ita nia profisionais ba saúde sira tuir treinamentu para sira bele halo sira nia kna’ar, ekipamentus ba Kemon B, ne’e kompletu los partu kuandu halo iha fasilidade saúde, ekipamentu sira ne’ebé iha fasilidade ne’e prontu hela para apoiu lalais, wainhira familia fo apoiu de’it iha uma bainhira akontese buat ruma, foin deside mai fasilidade saúde tarde ona, di’ak liu ne’e mai partu iha fasilidade saúde sira” nia informa
Entretantu ne’e iha Postu Administrativu Passabe iha suku rua mak hanesan Suku Avane iha Adeia 3, Aldrian Harnanu, Aldeia Passabe no Aldeia Natuna, ho iha Suku Malelat Iha Adeia 1, Aldeia Malelat, alende iha Suku 2 ne’e ba Kapital vila Oecusse ho kilometru 48 ho populasaun kuaze 100 resin.
Jornalista : Maria José
Editor : Agapito de Deus
