Lafaek News—Sekretáriu Estadu Protesaun Sivil, Domingos Mariano Reis, asina protokolu kolaborasaun ho operador Telkomcel kona-ba sistema avizu hodi antisipa risku dezastre naturais.
Sekretáriu Estadu protesaun sivil, Domingos Mariano Reis, iha nia diskursu hateten, Autoridade Protesaum Sivil no Telkomcel asina protokolu kolaborasaun ne’e atu bele desimina informasaun kona ba risku dezastre nian liu husi kanal mensajen ne’ebé mak telkomcel sei oferese pakote públiku.
“Bainhira dezastre akontese, antisipadamente autoridade protesaun sivil bele via mensajen liu husi Telkomcel,” dehan Sekretáriu Estadu Protesaun Sivil, Domingos Mariano Reis ba jornalista sira iha salaun APC, Kaicoli (24/09/2024.
Nia haktuir, vantajen husi asina protokolu kolaborasaun entre APC no Telkomcel mak uza telekomunikasaun ne’e komunika ho komunidade sira atu bele sira hatene antes dezastre akontese, sira iha ona koñesimentu atu nune’e antisipatoriamente sira bele hases husi fatin risku ba fatin seguru.
Telekomunikasaun Telkomcel halo kooperasaun ho gratuita, tanba ne’e mak IX Governu liu husi Sekretariu Estadu Protesaun Sivil apresia extraordinariu ba Telkomcel, ida ne’e parte asaun solidariedade hosi kompaña Telkomcel ba Governu Timor-Leste.
Iha fatin hanesan Reprezenta CEO Telkomcel, Deddy hateten ,Telkomcel hakarak kopera ho APC hodi pasa informasaun ba publiku, fó apoiu, fó transmisaun SMS ba ita-nia subskritor sira hotu.
“Ita mós fó plataforma media sosiál ida, tantu liu husi Facebook no ida ikus ne’e mos hanesan forsa ida husi ami nia produtu ne’e duni iha FB to’o ohin loron ami iha nafatin abilidade atu estuda gratuita, ko’alia gratuita no servisu sira ne’e hotu halo parte iha dedikasaun no komitmentu ba governu, hanesan forma preventiva ida ba governu iha maneja protesaun edukasaun sivíl ba sosiedade,” tenik Deddy.
Hodi dehan, kolaborasaun barak ne’ebé Telkomcel no APC bele halo publika tuir inovasaun ida, maski ikusmai tenke hasai, tanba sim ho buat oioin, ida husi nia inovasaun sira maka Kelumpang. Kelumpang maka fatin ne’ebé ema hotu bele uza aplikasaun di’ak, buat ne’ebé importante liu kona-ba protesaun sivíl, ema hotu-hotu bele fornese informasaun.
Iha Timor-Leste subskritór ba Telkomsel hamutuk rihun 450, la’os Channel Telkomcel deit maibe espritu Telkomsel nian, familia unidade la’os deit nia lukru ka la kobre kustu sira ne’e duni telekomunikasaun ne’e buka atu fo solusaun ne’ebé importante, urgente no laiha problema, protokolu kolaborasaun entre Autoridade Protesaun Sivil no Telkomcel ho durasaun tinan 1 (24/09/2024-24/09/2025.
Jornalista: Gracia Soares
Editor : Agapito de Deus
