Lafaek News—Forum Organizasaun Naun- Governamental Timor-Leste (FONGTIL), tersa 06/07/2024 hala’o lansamentu nasional kona-ba asesmentu NGO iha Timor Leste ne’ebé rejista durante fulan 3 husi setembru, Outubru no Novembru 2024.
Diretor FONGTIL, Valentim Pinto, afirma objetivu husi lansamentu ne’e hodi ko’alia kona-ba relatóriu Segmentu tinan kotuk nian ne’ebé vizita parseru no membru hotu atu hodi rekoilla informasaun bázika ruma liu-liu kona-ba funsionamentu ba instituisaun nian.
“lansamentu ba Relatóriu ne’ebé halo iha periodu fulan tolu 3 ninian ne’ebé halo iha fulan setembru, Outubru, Novemberu Dezembro ni-nian iha Tinan kotuk ni-nian Asismentu ida ne’e objetivu prinsipal atu haree didi’ak ami nia membro sira Nia esperiénsia atuál kona-ba funsionamentu instituisaun ninian relasaun ho instrumentu ne’ebé sira uza hodi fasilita sira nia funsionamentu iha instituisaun,” Diretór FONGTIL ne’e sublina.
FONGTIL sempre halo avaliasaun hodi haree fila-fali membru sira oinsá bele funsionamentu hanesan instituisaun ida iha Timor Leste.
“Ba asuntu sira ne’ebé ami haree liu kona-ba membru sira ninian, ami haree mós husi aspetu legal balun kuaze ami nia membru sira nia esforsu maka’as para ami bele halibur sira nia funsionamentu iha instituisaun nian,” dehan Valentim.
Ikus liu, lider FONGTIL ne’e afirma, lansamentu rezultadu peskiza levantamentu kondisaun organizasaun sosiadade sivil sira iha teritóriu laran tomak ne’ebé iha oportunidade hotu no hetan apoiu mai husi Gabinete protesaun sivil ho montante Osan $8.000 ne’ebé mak halo iha teritóriu laran tomak, nune’e koko atu haree ba membru hamutuk 270 no liu metade $ 37.
Jornalista: Natalia De Jesus/Estajiu:Elviano Belo
Editor : Agapito de Deus
