Lafaek News—Asosiasaun Espoza Polísia Nasionál Timor Leste (AESPNTL), liderada Manuela de Araújo espoza Komisáriu PNTL Henrique da Costa, oferese ona nesesidade bázika ba kbiit laek Marcos Mendonça ho nia kaben Domingas Coa no oan nain tolu ninia halerik durante tinan 16.
Antes ne’e jestora AESPNTL asesu notisia ho titlu : Tinan 16 Marcos Ho Nia kaben No Oan-Nain Tolu Ninia Moris Sente Hakbiri Hosi Ema Seluk, ne’ebé publika iha loron 11 Marsu 2024, 15:00 otl, espoza komisáriu PNTL ne’e lee tiha notisia refere sente triste ba família Marcos ho nia kaben no oan nain tolu nia moris ne’ebé sente duni hakbiri hosi ema seluk, nune’e espoza komisáriu organiza kedan nia membru sira hodi kontaktu jornalista lafaek news Mateus Felisberto de Deus hodi lori kedan ekipa AESPNTL liderada Manuel de Araújo ba kedan kbiit laek Marcos Mendonça iha mota ninin Beduku hodi fo tulun nesesidade báziku ba familia ne’e.
Prezidente Asosiasaun Espoza Polísia Nasional Timor Leste, Manuela de Araújo, esplika AESPNTL nia vizaun no misaun haree liu buat tolu, mak hanesan haree liu ba PNTL, komunidade no ema moras sira iha ospitál.https://www.lafaeknews.tl/tinan-16-marcos-ho-nia-kaben-no-oan-nain-tolu-ninia-moris-sente-hakbiri-hosi-ema-seluk/
“Ami nia vizaun no misaun, atu hare ba iha membru PNTL , tulun komunidade, no ajuda maluk pasiente sira ne’ebé moras iha hospital, karik komunidade ne’ebé presiza tebes ami nia ajuda, ami prontu atu ajuda,” Manuel de Araújo afirma.
Nesesidade bázika ne’ebé AESPNTL oferese aman kbiit laek Marcos Mendonça ho nia familia mak hanesan, fos 4, mina, supermi, deho, manta, rinso no sabaun inklui seluk tan.
“Asaun ida AESPNTL hili atu komemora loron PNTL ne’ebe sei realiza iha tempu badak, ba oin ami sei nafatin identifika nafatin ema kbiit laek sira no ema moris vulnerável sira, ho ami bele tulun sira husi ami nia asaun karidade, no ami nia asosiasaun Espoza da PNTL AESPNTL ne’e la’ós foin halo asaun karidade ida ne’e ba iha tinan kotuk, ami mós ajuda ona ema kbi’it laek barak, no iha kompania no asosiasaun balun ne’ebé mós apoiu ami nia Asosiasaun Espoza PNTL (AESPNTL), hodi halo asaun karidade mak hanesan Levi Coa, Mie Sedaap,” Prezidente AESPNTL haktuir.
Iha sorin seluk Komandante jerál PNTL Komisáriu, Henrique da Costa akompaña Asosiasaun Espoza PNTL hodi ba fo tulun família kbiit laek ne’e, iha biban ne’e enkoraja kbi’it laek, Marcos Mendonça ho nia kaben atu haruka oan nain rua ba eskola.
“Ami nia prezensa iha ne’e iha tempu badak mós sei komemora loron ezisténsia PNTL nian, entaun ami tenta oinsá buka komunidade sira ne’ebé presiza tulun atu kontinua sira nia moris, pois ita identifika haree Tiu Marcos nia moris no nia serbisu sira hodi suntenta família, entaun kbi’it ne’ebé ami iha, ami mai hodi ajuda Tiu Marcos, maibé ami la lori buat di’ak no buat barak, más ami lori hahán oitoan atu ajuda Tiu Marcos ho nia familia atu bele han hodi ba servisu, ami mos la lori de’it sasán nesesidade báziku ho livru balun atu bele ajuda Tiu Marcos nia oan sira ba eskola, ami mós agradese ba Señór Felix ne’ebé fó fatin ba Tiu Marcos hodi hela,” haktuir lider instituisaun PNTL ne’e.
Ikus liu kbi’it laek Marcos Mendonça ho nia kaben Domingas Coa, simu nesesidade báziku hirak ne’ebé oferese hosi AESPNTL ho mata-wen no hatoo agradesimentu boot ba prezenza husi Komandante Jerál, Komisáriu Henrique da Costa ho nia membru ho Asosiasaun espoza PNTL, ne’ebé mak apoiu ona sasán nesesidade báziku ba sira, kbi’it laek ne’e mós hato’o nia agradese ba media online lafaek news ne’ebé mak b halo kobertura hodi publika notisia ikus mai ema konsidera informasaun ne’e hodi buka tuir kbiit laek Marcos Mendonça nia hela fatin hodi fó tulun.
Jornalista : Mateus F. de Deus
Editór : Agapito de Deus
