Lafaek News—professores kontradus kuarta (31/01/2024), lansa tan manisfestaun iha Tasi-Tolu Dili hodi hasoru Dezisaun ne’ebé Ministra Edukasaun hatun la justu no viola direitus humanus
Iha manifestasaun ne’e Portavoz manifestantes, Agostinho Pinto hateten Vaga ne’ebé da-daun loke husi ministériu edukasaun iha professores kontradus sira nia pozisaun sei rezeita total, razaun vaga ne’e so ba de’it professores sira ne’ebé foin atu sai professores.
“Ha’u hatete katak Vaga neba Ami nia pozisaun rezeita total vaga neba ba professores ne’ebé foin hakarak atu sai professores vaga kandidatus enkuantu professores Sira ne’ebé Mak iha ne’e halao Tia ona Sira Nia misaun no didikasaun Durante Tinan 10 garantia funsionamentu processu ensino aprendisagen inklui garantia ezame nasional ne’ebé kada Tinan ministra rasik realiza”
Portavóz ne’e, akresenta Ministériu Edukasaun la rekoñese professores sira, maibé lei hatete klaru katak rekonhese professores kontradu Sira ninia sakrefisiu no didikasaun ne’ebé mak halao Tia ona Durante tinan sanulu resin
Nia haktuir Tan katak Kazu refere professores hotu hatoo ona keixa ba Providoria Direitus Humanos no Justisa hodi hasoru Ministra Edukasaun tanba ministra edukasaun rasik foti dezisaun la justu no violasaun ba Direitus humanos, razaun profesores sira halo ona Servisu durante Tinan naruk nia laran
“ Ami tama ona iha providoria Direitus humanos ami nia kazu ne’e hato tiha keixa iha hasoru ministra edukasaun rasik tanba nia foti dezisaun ida ne’ebé la justu halo violasaun ba direitus humanos tanba profesores sira ne’e hala’o tiha ona servisu durante Tinan 10 sira halo misaun eduka no forma jerasaun sira atu subtitui ba rai ida ne’e, tanba nee bainhira nia foti dezisaun hapara ami senti katak halo deskriminasaun ba professores Sira,” professor ne’e akresenta.
Observasaun Lafaek News nota manifestasaun ne’e hala’o iha loron 31 fulan Janeiro no sei remata iha loron 3 fulan Fevereiru, hodi hein dezisaun husi ministra edukasaun enkuantu iha atividade ne’e organiza husi professores kontratadu sira no movimentu oi-oin, no atividade ne’e hetan seguransa másimu Polísia Nasional Timor Leste.
Jornalista : Felix Fernandes
Editór : Agapito de Deus
