Lafaek News-Konfederasaun Sindikatu Timor Leste (KSTL) hamutuk ho ativista Timoroan sira nafatin propoin, atu Governu tenke toma konsiderasaun bá saláriu minimu ne’ebé mak to’o oras ne’e sai preukupasaun bo’ot traballadór timoroan sira.
Enkuantu, antes ne’e mós KSTL aprezenta ona proposta bá governu atu tau atensaun nune’e bele responde ba diretu traballadór sira nian kona-ba hasa’e saláriu maibé to’o ohin loron seidauk iha rezultadu, tamba ne’e KSTL nafatin ezije.
“Proposta kona-ba Diretu Traballadór sira nian ne’e aprezenta ona ba governu maibé laiha rezultadu bá saláriu minimu ne’e hanesan preokupasaun traballdór timoroan hotu-hotu liu-liu traballadór feto sira tanba traballadór feto sira mak vulnerav’el bá iha problema salariál, Ita identifika traballadór feto barak maka ho servisu tinan naruk nia laran maibé sira nia vensimentu ne’e ho saláriu minimu 115 dolar balun simu menus liu saláriu minimu,” informa Prezidente KSTL Ameiro Vila Nova, ba Jornalista sira liuhusi komemorasaun diza seis dias ne’ebé hala’o iha Largo Lecidere Dili, 11/12/2023.
Aliende, ativismu ho organizasaun sindikatu hamutuk inklui KSTL ejize maka’as mós kona-ba asuntu importante balun liu-liu ratifikasaun kon vensaun 190 kona-ba eliminasaun violasaun iha mundo traballo nomós kona-ba salúriu minimu ne’ebé sai problema la justo tamba implika ba moris traballadór ho fámilia iha fulan ida nia laran.
Tan ne’e, liuhusi komemorasaun ne’e, sira hakarak lori atensaun ba governu nop estadu rai ne’e atu urjentemente aprova ka reve fila fali proposta dekretu lei saláriu minimu ne’ebé mak tinan tolu ba kotuk aprezenta ona ba iha oitavu governu no SEFOPE mós aprezenta tán ona iha Nuno governu atu nune’e iha fim do tinan ikus nian 2023 governu bele fó prezente di’ak ruma ba traballadór liuhusi revizaun sálariu minimu bazea ba proposta ne’ebé Konsello Nasionál Traballo hato’o ona iha tinan tolu liubá.
Fatin hanesan, Program oficer ba Programa inisiativas Spotlight Margareta Araujo reforsa liután katak, atividade ne’e fó oportunidade bá traballadór iha mundo traballu hodi husu governu kria kondisaun di’ak bá traballdór sira no saláriu minimu.
Nomós atividade ne’e kona-ba hakotu violénsia kontra feto no labarik feto sira bá mundu liu-liu halo eliminasaun violénsia asedu kontra feto sira iha servisu fatin. Tamba ne’e organizasaun Sindikatu, Ativismu no KSTL aproveita oportunidade Ida ne’e atu hakilar katak violénsia asedu ba traballadór feto sei latolera, tamba traballdor feto sira mós presija moris iha servisu ne’ebé seguru moris sdaudavél no dignu.
“Komemora loron diza seis via ativismu ne’e, primeiru kona-ba ratifíka konvensaun 190 no husu mós direitu ba renumerasaun bá saláriu, tamba sira mós luta dala barak kona-ba renumerasaun ne’e, espera katak atividade ohin loron ne’e bele loke ema hotu-hotu nia hanoin tamba traballadór sira iha mundu traballu ne’e ema sira ne’ebé mak vulneravel liu,”dehan Margareta.
Programa inisiativa spotlight ne’ebé mak hetan fundus husi União Europeia no implementa husi ajénsia lima hanesan, IOM, ILO, UNDP, UNDPFA ho UNICEF.
Jornalista : Arnaldo Nunes
Editór : Marcos da Silva Araujo
