Lafaek News—Programa Nasaun Unidas ba Dezenvolvimentu (PNUD) kontinua apoiu prosesu dezenvolvimentu iha Timor-Leste (TL), liu hosi Fundu Nasaun Unidas ba Labarik (UNICEF-Sígla Ingles).
Reprezentante foun Programa Nasaun Unidas ba Dezenvolvimentu iha Timor-Leste, Katyna Argueta hateten, vizita ba Xefe Estadu José Ramos-Horta ne’e, nu’udar vizita kortejia hodi re-integra programa sira Governu TL nian.
“Ami mai enkontru ho Prezidente Repúblika José Ramos-Horta reprezenta husi programa nasaun unidas nian, hodi diskute kona-bà dezenvolvimentu iha Timor-Leste. Ami nia vizita ne’e hanesan vizita kortezia ba Xefe Estadu hodi re-integra programa sira ne’ebé iha ho Governu Timor-Leste nian,” dehan Reprezentante foun PNUD iha TL, Katyna Argueta, iha Palásiu Prezidensiál Bairo-Pité Díli, (06/12/2023).
Iha reuniaun ho Xefe Estadu ne’e, ko’alia mós planu lubuk ida ne’ebé ligadu ho COVID-19 iha tinan kotuk.
Reprezentante nasaun unidas hakarak halo kooperasaun liu husi UNICEF hodi promove dezenvolvimentu sustentavel iha TL, UNICEF liuhusi nasaun unidas hakarak dezenvolve meiu ambiente ida ho sustentabilidade hodi kontra poluisaun iha TL.
Alende UNICEF hakarak promove empoderamentu ba feto, hamutuk ho Governu hodi apoiu ekonómia ba feto iha rejiaun ne’e.
Iha reuniaun ne’e, Xefe Estadu José Ramos-Horta aprejenta dezafiu sira ba dezenvolvimentu ba rekursu umanu.
Horta afirma, Governu TL foku hela ba dezenvolvimentu kondisaun vida umana ba povu tomak.
Estajiada : Epifania I. Pinto
Editor : Agapito de Deus
