Lafaek News—Professores kontratadus hamutuk 1449, sente lamentavel ho polítika Ministériu Edukasaun ha enkaixa iha engresu espesial tuir lei ne’ebé dekretu ona.
Asuntu ne’e hato husi Professores kontratadu Celestino Julio Belo, ba jornalista sira liu husi konferensia imprensa iha segunda feira ne’e iha jardin 5 de Maio, kona-ba Ministériu Edukasaun implementa buat ruma tenki haree ba dekretu ona labele implenta tuir hakarak.
“ Diperente entre intrepetasaun entre ba dekretu lei ne’e entre ami professor kontratadu ho ministra edukasaun diperente mak ne’e dekretu lei ne’ebá ne’e la define engresu especial ne’e ba ba profesór kontratadu husi 2013 to 2022 la iha artigu ida mak ko’alia kona–ba ida ne’e maibé sira uza ida ne’e katak atu tama engresu especial ne’e husi 2013 to 2022,” Celestino Julio Belo afirma.
Iha artigu 38 Númeru 1 iha ne’ebá la dehan Professores kontratadus husi 2013-2022, hetan avalisaun dezempeñu, maibé ba professores kontratadus bazeia badesizaun husi Ministra Edukasaun katak Professores kontratadu ne’ebé atu tama ba engresu especial hahú 2013 to 2022 de’it, maibé iha dekretu lei la difine.
“Sira nia argumentu ida tan mak avalisaun dezempeñu ida ne’ebé iha ona avalisaun dezempeñu ba ikus ninian mínimu Bom. agora iha Dekretu lei iha Artigu 38 Númeru 1 iha ne’ebá la dehan Professores kontratadu husi 2013 to 2022 mak hetan Avalisaun Dezempeñu ne’e maibé iha ne’ebá dehan Professores hotu hotu ne’ebe hala’o ona kna’ar iha eskola sira bele hetan Avalisaun Dezempeñu minimu fulan 6 ba leten signifika Professores kontratadu 2023 prense ona Rekesitus ida ne’e, tanba agora termu kontratu ne’ebá ne’e hahú husi dia 1 de Janeiru to dia 31 de Dezembro 2023 agora to ona fulan Novembru serake ida ne’e la prense kriteiru ida fualan 6 nian,” nia hateten.
Ligadu ho asuntu ne’e profesores kontratadu sira halo ona karta audénsia ba Ministra Edukasaun iha loron 14 de Novembru hodi tur hamutuk, maibé too ohin seidauk iha reposta ba karta refere husi MInistériu Edukasaun, tanba ne’e sira konsidera ministra laiha responsabilidade ba asuntu hirak ne’e, tan ne’e nu’udar Professores kontratadu sira sei halo sira nia kna’ar nu’udar Timor-oan hodi prepara jerasaun foun sira ba oin ba garante futuru Timor nian.
Jornalista : Felix Fernandes
Editór : Agapito de Deus
