Lafaek News—Prezidente Repúblika José Ramos Horta, sesta (24/11/2023) ofisialmente inaugurasaun ba pixina modernu no kompleta ho fatin sanitária ne’ebé konstrui iha Palásiu Prezidensiál Ai-tarak Laran Díli ho apoiu husi Governu Repúblika Populár Xina.
José Ramos-Horta hatoo agrsadese ba Governu Repúblika Populár Xina no pixina Palásiu Prezidensiál sei nakloke ba públiku liu-liu ba labarik sira atu hariis.
“Inagurasaun pixina ne’e modernu no sistema automátiku para hamos automatikamente nu’udar pixina la presiza ema ruma hamos. Kuandu iha pixina ida tenke ho tratamentu ho diak se lae bele afeta labarik moras ba kulit, portantu sistema modernu tratamentu limpeza automátiku,” dehan Ramos-Horta, iha Palásiu Prezidensiál Bairo-Pité Díli (24/11/2023).
Xefe Estadu mos sei tau empregu feto nain rua ka tolu atu tau matan ba labarik sira atu hariis no kuidadu fatin sanitária ne’ebé konstrui ona.
“Portantu loro-loron iha pixina para ajuda atende labarik sira komprende saida mak sintina, subeiru, no fó empregu ba labarik feto rua sei haree para tau matan ba labarik sira liu- liu hanorin sira kona ba Haris no sentina nian,” katak Ramos-Horta.
Embaixadóra Xina iha Timor-Leste, Wang Wenly sente orgullu, tanba pixina ne’ebé konstrui ho modelo hanesan komplexu Palásiu Prezidensiál.
“Hau kontente lori Governu Xina iha TL atu servisu hamutuk ho governu TL hari’i projetu ida ne’e. Ita halo komparasaun pixina tradisional kuadradu ho pixina agora iha ita nia oin ne’e, halo elementu hanesan tradisaun ho Timor no hanesan ho komplexu Palásiu Prezidensiál ne’ebé ho modelu ne’ebé labarik sira gosta,” orgullu Diplomata Xina ne’e.
Pixina modernu ne’e, konstrui husi kompania Sanghai China ho durasaun fulan tolu, hahú husi fulan Setembru tinan ne’e, no pixina refere ho modelu hanesan númeru 8, no iha tempu kalan ahi lakan iha bee okos ho kores azúl, mean no kor seluk tan. Kona-bá orsamentu, parte PR la kohi fó nia montante, tanba konsidera ida ne’e hanesan prezente ida husi Governu Xina.
Estajiada : Epifania I. Pinto
Editor : Agapito de Deus
