Lafaek news—Cruz Vermelha Timor Leste (CVTL), tersa (10/10/2023), simu apoiu mákina sonográfia husi Alemaña hodi hala’o servisu saúde liu utiliza deteta moras rins, pulmaun, gravida no moras fuan.
Serimonia entrega mákina sonográfia ne’e hala’o iha edefisiu CVTL nasional Bairo Formza Dili Timor Leste no entrega direta husi dotor Vicente Everad Jerome Braganza.
“Serimonia ida ohin dotor Vicente Everead Jerome Braganza entrega mákina sonográfia ba CVTL no klínika Bairo-Pite ho ekipamentus ida ne’e ajuda tebes servisu iha area saúde, liu liu oinsá mak dotór sira uza hodi bele detekta moras sira iha ita nia laran hanesan moras Rins, moras fuan, pulmaun, no inan isin Rua, ohin ekipa Xefe Caza Prezidensia da Repúblika mak sai hanesan sasin ba iha entrega mákina sonográfia rua, ba CVTL no mos Klinika Bairo-Pite, Sekretáriu jerál CTVL Luís Pedro Pinto ba Lafaek News iha edefisiu sentral CVTL Dili Timor Leste tersa-feira semana ne’e.
Sekretariu Jerál CVTL ne’e mos argumenta, mákina Sonográfia ne’e sei utiliza husi dotór voluntário sira CVTL nian, ne’ebe hetan ona formasaun husi dotór Espesialista sira.
“Mákina sonográfia CVTL sei uza mákina ne’e ho ami nia dotor voluntáriu sira ne’ebé hetan formasaun husi dotor espesialista sira no sira iha ona koñesimentu hodi utiliza hodi leno pasiente sira, maibé karik mak HNGV mak presiza atu utiliza iha nasionál ou iha Distritu bele kontaktu CVTL hodi uza tanba Mákina ne’e bele ajuda ema barak, la taka dalan ba HNGV,” katak Pedro.
Ikus Liu sekretariu Jeral CVTL ne’e mos husu ba dotor voluntáriu sira ne’ebe atu utliza mákina tenke uza ho kuidadu tanba, mákina ne’e lori mai husi rai Alemaña ho folin ne’ebé mak aas, uza kuidadu likus hodi bele uza iha Dili no mós ba distritu.
Jornalista : Mateus F. de Deus
Editór : Agapito de Deus
