Lafaek News-Ministériu Ensinu Superiór Siénsia no Kultura (MESSK) segunda (09/10/2023) asina akordu entre Banco Nacional de Comércio de Timor-Leste (BNCTL, Sigla-portugés) hodi halo transferénsia osan ba família afetadu sira husi projetu Instituto Politecnico Betano (IPB).
Tuir diretór geral jestaun Finansas Hernanio Viterbo da Costa Soares hatete, Objetivu husi Asina Akordu ho BNCTL ne’e hodi fasilita osan iziminasaun ba iha família sira ne’ebé mak afetadu ba iha projetu IPB ninian.
“Objetivu husi akordu entre MESSK ho BNCTL ne’e tanbá atu fasilita transferénsia osan iziminasaun ba iha populasaun ne’ebé maka afetadu ba projetu IPB ninia ba iha obra ministeriu ninian,” Viterbo dehan.
Nia salienta tan katak, Família sira ne’ebé mak afetadu ba projetu refere tanbá ne’e liu Ministériu Ensinu Superiór Siénsia no Kultura kopera ho Ministériuagrikultura nomós Ministériu Obras Públika hodi hare’e no halo apuramentu dadus liu-liu uma no aihoris sira.
“Apuramentu dadus ne’e la’ós Ministériu Ensinu Superiór mesak mak halo prosesu ba apuramentu dadus ne’e, maibé hanesan ita bo’ot sira hatene katak iha iha rai ida uma iha laran, iha aihoris iha laran entaun ami tenke kopera ho Ministériu Agrikultura kuandu hare’e ba iha aihoris ba uma ami tenke kopera ho Ministériu Obras Públika atu sira bele halo identifikasaun lolo’os uma ne’e nia presu hira tuir padraun ne’ebé mak iha,” katak nia.
Iha sorin seluk prezidente konsellu administrasaun BNCTL António Vigór aumenta tan, BNCTL halo fasilita pagamentu de’it maibé atu selu dono ba projetu sira mak sei inimiza ema sira ne’ebé mak afetadu ba iha projetu refere no BNCTL sei fasilita pagamentu.
“Dalabarak ema hanoin BNCTL ne’e ba selu lae fasilita dono ba projetu mak sei inimiza ema sira ne’ebé mak afetadu ba iha projetu banku komersiál tuir kbi’it ne’ebé mak iha, ami iha treinu iha Same baze iha ne’ebá ami sei fasilita pagamentu ne’ebé governu selu ba ema ne’ebé afetadu husi projetu ne’e,” nia tenik.
Nia informa liu tan kata, Ba populasaun sira ne’ebé mak iha ona konta bankáriu dono ba projetu transfere ona osan ba iha sira nia konta bankaria banku movél bele hodi banku ba to’o iha baze hodi sira bele foti ona sira nia osan.
Entretantu totál família afetadu ba projetu IPB hamutuk 95 no MESSK sei halo pagamentu variante depende ba família sira nia aihoris nomós uma sira.
Jornalista : Felix Fernandes
Editor : Paulo Collo
