Lafaek News—Kandidatura feto ba xefe suku Meti-Aut, postu administrativu Cristo Rei, Munisípiu Díli, Iha ne’ebé Fransisca Carlota Barreto, pronto lori komunidade suku Meti-Aut ba moris iha ambiente sustentável.
Kandidatura xefe suku Meti-Aut Fransisca Carlota Barreto ba Lafaek News Kinta 05/10/2023, hatete katak, Tempu to’o ona feto lidera husi baze atu servisu no sai mata dalan, rona na’in nomós lian ba sira ne’ebé mak barak sei hela iha kotuk.
“Ha’u hakarak atu kandidata-an ba xefe suku atu dezenvolve komunidade suku Meti-Aut ba dezemvemento sustentável, nune’e karik ha’u hetan fiar husi komunidade suku Meti-Aut sei servisu hamutuk ho komunidade no sei sai servidor ne’ebé badinas tane aas nasionalizmu,transparensia, honestidade,toleránsia, fraternidade no solidaridade,” Fransisca dehan.
Nia hatutan, Sei promove no dezenvolve joven sira iha área ne’ebé maka hanesan, edukasaun formasaun, kultura no desportu nomós sei promove no valoriza rekursu ne’ebé mak suku ne’e hetan husi área turizmu, peska, sei promove mos dezemvolvimentu meiu ambiente sira hanesan lixu, floresta, ambiente tasi, reforsa partisipasaun komunidade iha dezemvolvimentu komunitariu.
“Lori joven no aman inan sira ba atividade kooperativa hodi ajuda ekonomía famíliar atu nune’e labele iha joven mk nafatin hela iha kotuk, ida ne’e mak étika, hari’i paz, igualdade, transparante, onestu iha toleránsia, Fraterna, solidaridade, importante mak fuan nasionalizmu,” katak Fransisca.
Kandidatura ne’e mos hakarak promove no nia feto maluk sira ba aktividade komunitáriu, suporta apoiu feto maluk sira nia partisipasaun maxímu ba dezemvolvementu suku, enkoraja feto maluk sira ba partisipasaun edukasaun atu nune’e feto bele barani hamrik iha oin ba dezemvolvementu nasionál.
Entretantu kandidatura feto ne’e mai ho lema ida katak, Tempu to’o ona atu servisu sai mata dalan, Rona na’in no lian ba sira ne’ebé mak sei hela iha kotuk tanba barak mak buka atu sai lideransa, maibé iha ida rua deit mak iha hanoin atu serví no lidera.
Jornalista : Ekipa Lafaek News
Editor : Paulo Collo
