Lafaek News—Vulnirável Parcent Unit (VPU-Sigla Inglés) Munisípiu Bobonaru hahú husi fulan Janeiru to’o inisiu fulan Agustu tinan ne’e rejista kazu violénsia domestika hamutuk 45 ho tipu oin 4.
Asunto ne’e hato’o husi xefi supeksaun Polísia VPU Munisípiu Bobonaru Elvira Tavares, Tersa (03/10/2023), Bainhira partisipa iha diskusaun meza deronda ho empoderamentu no feto profesional sira iha Otél Timor hatete, Polísia VPU ninia papel mak halo atendimentu ba iha vítima sira ne’ebé mak hasoru violénsia domestika oinsá asegura sira hodi hetan tulun.
“Polísia VPU halo atendimentu simu keixa no halo atendimentu ba vítima sira karik hasoru violénsia tanba ne’e maka ho papél VPU hakarak asegura vítima sira, karik vitima hasoru violénsia oinsá atu bele asegura sira para hetan tulun no depois de VPU rekolla informasaun no evidénsia hotu hakerek iha relatóriu no haruka ba iha ministériu públiku,” Elvira dehan.
Nia hatutan tan, Papél importante ida mak oinsá atu hlo atendimentu ba violénsia domestika oinsá asegura vitima sira liu-liu ba feto ho labarik nomós ema ho difisensia no ema ne’ebé mak vurneravel tebes hasoru violénsia domestika tanba ne’e maka husi parte VPU prontu halo atendimentu.
“Oinsá atu asegura vítima sira Liu-liu feto ho labarik ema difisensia no ema ne’ebé mak vuneravel tebes hasoru violénsia domestika VPU prontu atu halo atendimentu atu asegura sira, husi violénsia ida ne’e hanesan papél polísia VPU bele asegura no tau seguransa ba ema hotu-hotu liu-liu ba feto maluk sira,” katak nia.
VPU servisu hamutuk ho rede referal sira fo apoiu liu husi parte legál sira oinsá atu akompaña prosesu vítima ninia kazu husi inisiu to’o iha tribunal.
Nia haktuir, Husi fulan Janeiru mai to’o fin de fulan Agostu polísia VPU Rejista vítima hamutuk 45 mak hetan violénsia domestika ho tipu oin 4 mak hanesan krimi violénsia domestika ofensa legais fíziku simples hamutuk 40 abuzu sexual ba minoridade hamutuk 2 kazu sexual 1 no kazu akontese ba ema ho aktu sexual adulisensia 1.
Entretantu prosesu hirak ne’e rejista ba hotu iha ministeriu públiku advokasia ho vítima sira ba iha PRADET nomós uma mahon no parte legál sira hodi akompaña ninia prosesu sira.
Jornalista : Felix Fernandes
Editor. : Paulo Collo
