Lafaek News-Centru Nasional Chega Empreza Públika (CNC.IP) Kinta 28/09/2023, iha ne’ebé asina akordu liu husi projetu Muzeum Antigu Komarka-Balide (MAC-B) nomós sei hala’o Akordu Serbisu Hamutuk (ASH) ho embaixada Alemaña iha rezidente Jakarta Indonézia.
Tuir Diretór ezekutivu CNC.IP Hugo Fernandes hatete katak, Ohin Centru Nasional Chega asina akordu ho governu federal Alemaña ne’ebé mak reprejenta husi Embaixadora Federal Alemaña nian iha Jakarta Ina Lepel.
Nia haktuir, Akordu ida ne’e ba koperasaun tinan rua, hahú husi 2023 to’o 2024 no akordu ida ne’e ho nia konteúdu mak oinsá governu federal Alemaña apoiu CNC.IP hodi redezenvolve muzeum Antigu Komarka Balide ne’e sai nu’udar sentru ida ba direitus umanus nomós istória pasadu nian.
“Objetivu husi asina akordu ne’e maka atu extende kooperasaun parseira ho embaixada Alemaña ba projetu Redezenvolve Muzeum Antigu Comarka Balide (MAC-B) hodi kontinua hala’o sira nia atividade iha CNC.IP ho rajaun fundamentál ba extensaun kooperasaun ida ne’e maka atu kontinua halo expozisaun permanente ida iha Muzeum Comarka Balide ho konteúdu jéneru nian kona ba violasaun direitu ema nian no kontinua halo instalasaun kona ba aprendizajen interativu ba estudante eskola sekundáriu no Universitáriu ba premedida Muzeum Comarka Balide,” Hugo dehan.
Nia hatutan, Dezenvolve instrumentu ba aprendizajen partisipativa istória, direitu umanu no transformasaun konflitu impresu ka halo instalasaun aprendizajen interativu, instalasaun ba aprendezajen interativu kona ba istória no direitu ema nian no formasaun ba transformasaun ba konflitu nian, kontinua dezenvolve teknolójia muzeum no feramenta aprendizajen dijitál ba istória direitu ema nian no rezolusaun husi konflitu iha Muzeum Comarka Balide, hari’i jardín ba reflesaun ba vizitante no sobreviventes sira.
Entretantu, Antes ne’e CNC.IP asina ona nota entendementu ho Embaixada Alemaña iha fulan Agostu tinan 2022 no remata iha tinan 2023, nune’e CNC.IP ho Embaixada Alemaña asina tan akordu atu extende tan projetu ne’e to’o iha loron 31 fulan Dezembru 2024 ho totál orsamentu ne’e kuaze hamutuk $410 mil dolares Amérikanu.
Jornalista : Julio da Conceição
Editor. : Paulo Collo
