Lafaek News- Prezidente Repúblika (PR), José Ramos-Horta apoiu nesesidade bázika ba Komunidade no difisiensia sira iha Palasíu Prezidensiál, nesesidade bázika ne’e hanesan tulun hodi selebra festa paskua nian.
“Tempu Paskua ema barak selebra Santa paskua maibé kiak sira difisil tebe-tebes, tanba ne’e mak ami hanoin iha tempu Paskua Prezidensia Repúblika esforsu uitoan ho apoiante sira setór privadu atu ajuda familia sira ne’ebé susar liu”. Hatete Prezidente Repúblika (PR), José Ramos-Horta ba Jornalista sira iha Palásiu Prezidensiál Bairo Pite, Kuarta ( 05/04/2023).
Xefe Estadu informa, atividade distribui ai-han bázika ne’e, la’ós foin hala’o maibé hala’o ona iha munisípiu sira, no apoiu mós ema ho defisiensia sira, , atividade ne’e, la’ós PR de’it mak hala’o, maibé líder nasionál kay Rala Xanana Gusmão mós hala’o iha fati- fatin.
“Hanesan familia sira difisiente barak loos, atu hakmaan uitoan, maibé ne’e lá’os signifika katak oras ne’e daudauk de’it mak Prezidensia Repúblika ajuda, la’e ajuda kada loron iha fatin hotu-hotu, halai ba mai munisípiu sira, aldeia, suku funsionáriu Prezidensia Repúblika nian sempre ajuda ba ema ho difisiente sira, moras sira oan kiak sira barak”, katak Xefe Estadu.
Horta akresenta, la’ós Prezidensia Repúblika de’it mak halo maibé maun boot Xanana halo liu tan Prezidensia Repúblika ba fatin barak-barak buka ajuda alin sira ne’ebé sorti laiha vida, la’ós buat boot maibé ho laran mak Prezidensia Repúblika hasai orsamentu maibé tane mós setór privadu balun.
Enkuantu Familia ne’ebé hetan nesesidades bázika husi Prezidente Repúblika hamutuk 24 grupus husi asosiasun orfanatus no defisiensia sira.
Jornalista : Rita Moniz
Editór : Agapito de Deus
