Lafaek News—Klibur Professional Partidu Congressu Nasional Rekonstrusaun de Timor (CNRT), sábadu (01/04/2023), hala’o tratamentu matan ba komunidade Berkoli postu administrativu Venilale munisípiu Baukau inklui distribui nesesidade bázika.
Koordenadór Klibur Professional partidu CNRT munisípiu Baukau, Nuno da Costa de Jesus argumenta, asaun tratamentu matan ne’e atu bele deteta inan-aman sira atu haree sira nia matan ne’ebé iha problema hodi hetan kurativa liu husi protesaun uza oklus matan hodi haree dook no besik bele moos.
“ Ba matan sira ne’ebe haree dook no besik la mos ita fo kedas oklu, bainhira sira iha patolijia ruma ne’ebe presiza halo referésnia ha’u a nota tiha kedas hodi bele ba halo tratamentu iha ospital Bacau, ojetivu husi tratamentu matan ne’e atu bele ajuda ita nia populsaun sira iha bele trata sira nia matan fo vizaun ba sira nia matan i no mos ita fo oklu ba sira,” Nuno daCosta de Jesus informa.
Agusta Gomes nu’udar komisaun organizadora ba iha atividade konsolidasaun ne’e salienta, la’os konsolidasaun partidu CNRT nian de’it, maibé konsolidadsaun ne’e la’o ho tratamentu intensivu ba iha matan, iha suku Bercoli Kompostu husi aldeia Ualu (8), akomula husi joven ferik katuas, tanba ohin loron ema barak la asesu saude liliu inan feton sira.
“Inisiativa, klibur professional partidu CNRT nian, fo kolaborasaun diak tebes ho departamentu Saúde, ho ekipa nasional sira hodi halo atendimentu,ba komunidade sira ne’ebe problema saúde matan la diak, kompostu husi aldeia ualu, programa ida ne’e husi KP nasional partidu CNRT nian, halo tratamentu intensivu ba iha militante sira ne’ebe matan la diak, Agusta fundamenta.
Agusta argumenta, objetivu husi programa tratamentu matan ne’e atu tulun ferik katuas sir abele ezerse sira nia direitu votu iha eleisaun 21 de Maiu 2023.
Estajiadu : Mateus Felisberto
Editor : Agapito de Deus
