Lafaek News—Prezidente Repúblika José Ramos-Horta reprezenta adjunta Xefe Kaza Sivil Prezidénsia Repúblika, apoia nesesidade bázika ba família kbi’it laek 24, iha aldeia Libau-Lelo, Suku Tibar Xefe Aldeia Libu-Lelo nu’udar domin ba nia povu ne’ebé moris vulnerável.
“Nu’udar autoridade lokál no reprezentante Xefe Suku agradese tebes, fó parabéns Prezidente Repúblika ho nia ekipa tomak, hanesan aman ne’ebé hadomi duni nia povu ida-ne’e, ami orgullu tebes” agradese Xefe Aldeia iha distribuisaun apoiu ba sidadaun sira”, Xefe Aldeia Libu-Lelo, Domingos Serrão Fátima da Conceição.
Tuir Xefe Aldeia Libu-Lelo, Agradese laran luak husi Prezidénsia Repúblika hodi tulun família vulnerável husu ba Prezidente Repúblika atu kontinua implementa programa humanitária, hodi tulun sidadaun hotu.
“Ha’u nia mensajen ba Prezidente mak ne’e, programa ida-ne’e labele para iha ne’e de’it, maibé se karik bele programa ne’e la’o nafatin ba oin, keta iha susesu nafatin, ami iha autoridade lokál prontu apoiu progama ida-ne’e” tenik Serrão.
Reprezentante Komunidade Aldeia Libau-Lelo, Bere Huno, hanesan mós veteranu agredese inisiativa husi Prezidénsia Repúblika.
“Ohin loron hanesan grasa Maromak nian, tanba bele hetan apoiu husi Prezidente Repúblika, mai ami atan-oan sira, ha’u mos katuas ona, lori buat ida mos labele, nee duni Maromak tulun Prezidente bele mai ajuda,” hateten Veteranu ne’e.
Adjunta Xefe Kaza Sivil Prezidénsia Repúblika, Henriqueta da Silva hatete, apoiu ne’e reprezenta Prezidente Republika nia domin ba povu hotu, hodi selebra natál no tinan foun, aaun Karitativa ne’e atu fanu mos ema seluk ne’ebé iha kbi’it natoon hodi tulun sidadaun ne’ebé presija no kontribui mos ba dezenvolvimentu nasionál.
“Ho sasan oituan ne’ebé karik mak la bo’ot liu, maibe atu lori de’it domin Prezidente nian ba sira, atu hatudu katak Prezidente Repúblika hamutuk hela ho sira iha situasaun saida de’it, li-liu festeza natal ho tinan foun”, nia hatete.
Entretantu, Sasan ne’ebé distribui husi Adjunta Xefe Kaza Sívil no Assesór Prezidénsia ba Assuntu Sosiál Quintiliano Moniz ba família kbi’it laek 24, iha aldeia Libau-Lelo, Suku Tibar, Postu Administrativu Bazartete, Munisípiu Liquiça mak hanesan, foos saka 24, supermi dos 24, mina inklui sira seluk tan, Husi benefisiáriu sira, Veteranu Bere-Huno mak hetan apoiu espesiál hanesan, nesesidade bázika, kadeira meza, Kulxaun, rice cooker no buli chock.
Jornalista : Rita Moniz
Editór : Agapito de Deus
