Lafaek News—Ministeriu Edukasaun Juventude no Desportu (MEJD), anunsiu rezultadu exame nasional husi Nivel Ensinu Báziku,Ensinu Sekundariu Jéral, Ensinu Téknika Vokasional(ESTV) no Ensinu Rekorente ne’ebe mak realiza ona durante loron tolu nomeadamente iha loron 24 too 26 Outubru tinan 2022.
Komisaun Organizador MEJD verifikasaun ba tinan ne’e total finalista husi Ensinu Báziku,Ensinu Sekundariu Jéral no Ensinu Téknika Vokasional ne’ebe priense rekézitus hodi tuir exame nasional estudante hamutuk 57.752 no ensinu rekorentes hamutuk 382.
“Liu husi prosesu rekolla dadus no verifikasaun ba tinan ne’e total finalista husi Ensinu Baziku,Ensinu Sekundariu Jeral no Ensinu Tekniku vokasional ne’ebe priense rekezitus atu tuir exame nasional hamutuk 57.752 alunus no ensinu rekorentes hamutuk 382 alunus”,Tenik reprezentante Presidente Komisaun Organizadora Edia Monteiro ba jornalista iha edifisiu MEJD Villa Verde Sesta(09/12/2022).
Iha fatin hanesan Ministru Edukasaun Juventude no Desportu(MEJD) Armindo Maia deklara, husi numeru ne’e Ensinu Báziku hamutuk 30,888 estudante, ausentes hamutuk 334, presentes 30.554, aprovadus 30.554, reprovadu 10, Ensinu Sekundaria Jéral hamutuk 22,525 alunus, ausentes 353, presentes 22,172, aprovadus 22,162, reprovadus 10, no Ensinu Sekundariu Téknikt vokasional total estudante hamutuk 4339 alunus, ausentes 98, presentes 4241, aprovadus 4240, reprovadu 1, Ensinu Rekorente hamutuk 382, ausentes 52, presentes 330, aprovadus 100%.
“Ensinu Báziku hamutuk 30,888 estudante, ausentes hamutuk 334, presentes 30.554, aprovadus 30.554, reprovadu 10, Ensinu Sekundaria Jéral hamutuk 22,525 alunus, ausentes 353, presentes 22,172, aprovadus 22,162, reprovadus 10, no Ensinu Sekundariu Téknikt vokasional total estudante hamutuk 4339 alunus, ausentes 98, presentes 4241, aprovadus 4240, reprovadu 1, Ensinu Rekorente hamutuk 382, ausentes 52, presentes 330, aprovadus 100%”, hateten Ministru Edukasaun Juventude no Desportu(MEJD) Armindo Maia ba jornalista iha Villa Verde.
Entretentu Prosesu Exame Nasional tinan ne’e hahu husi fulan Fevereiru to’o fulan Dezembru tinan 2022 no atividade ne’ebe komisaun Organizador realiza ona ho intensivu atu halo susesu exame nasional tinan 2022 hodi rekolla dadus finalista sira hahu husi fulan janeiru too marsu 2022 objetivu atu halo preparasaun ba orsamentu sira segundu maka verifikasaun ba dadus finalista sira.
Enktuantu tuir monitorizasaun husi MEJD hatudu katak estudante ne’ebe la tuir ezame mai ho razaun oin-oin ezemplu hanesan tanba moras,tanba Mate ho razaun seluk tan, orsamentu ne’ebe uza ba atividade Exame nasional 2022 nia fundu mai husi Orsamentu Jeral Estadu(OJE)2022.
Jornalista : Rita Moniz
Editór : Agapito de Deus
