Lafaek News—Média online Lafaek News.tl simu prémiu nu’udar manan nain datoluk aniversáriu ezisténsia operador Telkomsel ba dala-10 iha Timor Leste.
Média ne’ebé sai kategoria ba manan nain ba titulu club maka hanesan média Mudansa.com, média Bussines Timor, Dili post.
“Ha’u sente kontente, tanba bele hetan ona prémiu ne’ebé fornese husi operadór telkomcel,agrdese ba telkomcel bele hala’o eventu nu’udar mekanizmu ida kaderniza jornalista hakerek di’ak liután,” katak Koordenador kobertura Lafaek News, Agapito de Deus iha Pusat Budaya, Maskarinhas Dili, Tersa (15/112022)
Orgullu ba Telkomcel ne’ebé maka fo apoiu tomak ba média online Timor Leste ne’ebé servisu hamutuk promove informasaun ba sosiedade Timor Leste,no promove produtu lokál ba rai liur.
Telkomcel loke kompetisaun ne’e hahú hosi 30 Agostu 2022, ho tema Telkomcel tinan 10, no iha média nasionál hitu kompostu husi jornal Timor Post (TP), Independente, Médiamudansa.com (MD), Bussines Timor (BT), Hatutan.com no Lafaek News (LN) maka submetu produtu jornalístiku.
Objetivu fundamental husi eventu refere hodi komemora ezisténsia Operadór Telekomunikasaun Telkomcel iha Timor Leste bá dala-10 ne’ebé monu iha loron 17, fulan Setembru 2022.
Distribuisaun prémiu ba manan nain sira liu hosi serimónia Media Gathering ho tema Servi ho Domin ne’ebé servisu hamutuk ho Embaixada Repúblika Indonézia iha Timor Leste oferese formasaun Public Speaking ne’ebé formadór mai hosi Atase POLRI KBRI Díli, Kolonel Don G.M da Ccosta, no anúnsia ofisialmente media nasional kompostu husi imprime ho online ne’ebé manán na’in iha ámbitu serimónia refere.
Jornalista : Aniceto Dias
Editor : Agapito de Deus
