Lafaek News—Populaasaun hamutuk suku tolu husi postu administrativu Fatumea munisípiu Kovalima, espresa sentimentu apresiasaun boot ba ekipa Ministériu Obras Publika (MOP) no Institutu Jestaun Ekipamentu (IJE), ne’ebé konsidera povu nia halerik hodi normaliza mota Fatumea hodi tulun populasaun sira movimenta ba mai livre.
Portavoz Klibur Estudantes no Juventude Fatumea (KEJUFAT), Rui de Fátima Amaral, afirma estrada iha area Fatuk Metan, Tilomar liga Fatumea sai hanesan asuntu problemátiku ba povosaun tomak iha postu administrativu Fatumea, maibé ohin loron IJE mai halo ona normalizasaun iha mota Fatumea, Halerik Povu Fatumea nian, dezafia Autoridade, Juventude, no estudante sira hodi halo pedidu ba MOP, maka iha loron 11 fulan Jullu 2022 liu husi karta pedidu ho numeru ref 93. ASBL/PAF/AC/CLM/VII/2022, asinadu Xefe Suku Belulik Leten, Quintinho Jose Amaral, husi ajuda ba MOP-IGE ppoiu mákina pezadu hodi normaliza estrada hahu iha area Fatuk Metan Suku Beiseuk Tilomar liga ba Fatumea.
“Fulan hirak liu ba juventude ho estudante akademiku iha hanoin ida hodi kordena ho liu rai sira, ko’alia asuntu hirak ne’ebé mensiona, ho ida ne’e tau idea hodi halo diskusaun no halo pedidu hato’o ba parte kompetente sira, tan ne’e liu husi pedidu ne’ebé Xefe Suku Belulik Leten, Nanu hamutuk ho juventude no estudante akademiku nian ohin loron Exelensia sira bele orienta ekipa IGE bele halo normalizasaun ba estrada Postu Fatumea hodi bele hafasil komunidade nia movimentu privadu no públiku,” katak Portavoz KEJUFAT, Rui de Fátima Amaral, reprezenta Povu Fatumea Espresa, Tersa (25/10)
Rui esplika, karta pedidu husu suku Belulik-Leten ho númeru ref 93. ASBL/PAF/AC/CLM/VII/2022 ne’e, MOP hatun despaixu ba Institutu Jestaun Ekipamentu, iha loron 13 fulan Outubru, 2022 desloka mákina pezadu hodi halo normalizasaun ba estrada asesu públiku ligasaun postu administrativu Fatumea ho Tilomar bele hafasil komunidade sira hetan asesu mai kapitál Kovalima.
Nune’e, iha loron 25 fulan Outubru 2022, Estudante no Juventude Intelektual Postu Fatumea, reprenzenta Populasaun Fatumae tomak, hato’o sira nia agradesementu ba MOP ne’ebé mak fo ona despaixu ba IGE hodi desloka ona mákina pezadu mai Fatumea hodi halo normalizasaun ba estrada ne’ebé durante tempu naruk sai hanesan preukupasaun ba Komunidade postu administrativu Fatumea no Tilomar atu halo movimentasaun tempu udan.
“Espera husi normalizasaun ida ne’e bele lori esperansa bo’ot ba populasaun Fatumea em-jeral bele tun mai Kovalima no husi Kovalima bele halo movimentasaun ba Postu Fatumea ho di’ak mezmu iha tinan barak nia laran seidauk alkatraun maibé ho normalizasaun ida ne’e bele hafasil komunidade nia movimentasaun.” Tenik nia.
Rui sublina, MOP-IGE halo reabilitasaun ba estrada ne’e tanba sempre hetan estragus bainhira tempu udan hodi difikulta komunidade em-jerál mak hakarak halo vizita Fatumea, liu liu Populasaun postu Tilomar no Fatumea ne’ebé rutinamente utiliza dalan públiku ne’e.
.Jornalista : Chamot Nahak
Editór : Agapito de Deus
