Lafaek News–Prezidente Repúblika José Ramos Horta, deklara nia sei hamriik iha Jornalista sira nia kotuk hodi defende liberdade imprensa husu Jornalistia hakerek notísia ne’ebé mak loos kontra lei Kriminalizasaun difamasaun.
Prezidente Repúblika José Ramos-Horta hato’o asuntu ne’e iha edifisiu Kuartel Jeral F-FDTL Fatuhada relasiona ho notifikasaun PNTL ba xefe redasaun jornal Independente, no xefe estadu Horta sei haree asuntu ne’e hodi hamriik iha Jornalista sira nia kotuk defende direitu liberdade atu hakerek buat ne’ebé loos. https://www.lafaeknews.tl/pntl-la-retira-karta-notifikasaun-husi-redasaun-independente-ajtl-ameasa-lansa-asaun-pasifiku/
“Bom, ha’u sei haree ida ne’e, ha’u sei buka hamriik iha jornalizmu nia kotuk, iha jornál nia kotuk iha direitu liberdade atu hakerek buat ne’ebé bele”, deklara Prezidente Repúblika José Ramos-Horta ba jornalista sira iha edifisiu Kuartel Jeral F-FDTL Fatuhada Tersa ( 25/10/2022).
Tuir Xefe Estadu ne’e argumenta, justisa devia preokupa ho krime organizadu, ho ema halo pasaporte falsu, droga ba ka buka halai sai osan husi Timor arbiru la tuir lei, ne’e mak justisa devia haree la’ós preokupa fali ho jornalista sira.
“Ha’u sei haree ida ne’e, ha’u nu’udar Xefe Estadu ha’u sei akompaña, Lei Kriminaliza Difamasaun Ha’u kontra lei kontra kriminaliza difamasaun tenke muda tiha lei ne’e atu ita nia liberdade totál ba média”, dehan xefe estadu Ramos-Horta.
PR Horta dehan, Ida difamasaun ne’ebé krime ne’e di’ak liu muda ona, ne’e PR sei haree ida ne’e no sei halo diálogu ho Governu no Deputadu hotu atu husu favor hatun tiha lei kriminaliza difamasaun ida ne’e.
Entretantu Intituisaun Polísia Nasionál Timor Leste (PNTL) hato’o karta eskrita notifikasaun ba xefe redasaun Independente Jorginho dos Santos no Jornalista jornal Independente Domingos Gomes ne’e iha loron 21/10/2022.
Jornalista : Rita Moniz
Editór : Agapito de Deus
