Lafaek News—Organizasaun Noun Governamental FOKUPERS halo’a semináriu ho tema kria koneksaun ho parseiru importante husi governu emprezária, sosiadade sivil atu diskute asuntu sobrevivente sira nia moris.
Iha abertura ba semináriu ne’e, diretora FOKUPERS, Maria Fátima Guterres katak, vítima sira ne’ebé iha uma mahon la’os hela permanente, tan ne’e husu ba parte relevante sira atu tulun sira, hakarak ka lakohi sira tenke fila ba komunidade, tan ne’e husu lideransa komunitariu oinsá fo importánsia ba vítima no sobrevivente sira ne’ebé rei-ntrega ba komunidade, lideransa komunitáriu sira hanoin sidadun hotu hanesan, maibé ida ne’ebé mak prioridade liu , tan sosiadade tenki haree didiak, rona sobriviente nia lian no impodera sira iha prosesu reintegrasaun no atividade ne’e halao tanba ho naran reporter hamutuk. Farol kuarta (19/10/2022)
“Husu ba parte sira mak hanesan sosiadade sivil , Casa vida no media sira, atu hadia sobrevivente sira nia lian, labele husik sira mesak no koko la’o hamutuk ho sira iha prosesu reintegrasaun, akompanamentu ne,ebe fokupers hareee, bainhira iha uma mahon laiha problema no kontente, tanba nesesidade iha ne’eba kompletu, alokasaun MTCI mos kompletu , kestaun mak re-integrasaun oinsá atu impodera sira, fila fali ba komunidade.” Tenik diretora FOKUPERS, Maria Fátima Guterres.
Diretora ne’e afirma presiza tau matan atu investe ba sira (sobreviventes) atu hadia siklu ekonomia família, tan sobreviviente hirak ne’ebé mai uma mahon diside ba sira nia moris, tenki simu konsekuénsia deside mai uma mahon.
“Kazu ne’e sei lori ba ho nune’e tenki simu konsekuénsia, hetan ameasa ka lian kroat husi komunidade, lakon uma dala ruma mos lakon direitu ba oan sira, prosesu sei tetu buat hirak ne’e hotu no mos família balun la simu sira,” Maria fundamenta.
Jestora FOKUPERS ne’e argumenta liután, dala ruma kestaun husi ekonomia, vítima balun iha oan 4 ka liu husi ne’e, entaun problema ekonomia família balun lakohi simu, tan sira sei hela ho sira tempu naruk nia laran.
“Entaun responsabilidade hanesan organizasaun ne’ebé durante akompana , koko kria projetu ne’e oinsá investe kapasitasaun, liga sira ho intuisaun governu no oraganizasaun emprensa foka liu ba asuntu ekonomia feto, hanesan IADE no liga ho CCI oinsá atu rona ida ne’e , no supermerkadu sira, oinsá sira kria kadeia de valor ne’ebé iha.
Ikus nia diretora FOKUPERS ne’e dehan, iha produtu oinsá bele hadia produto sai diak liu tan, no to’os iha oinsá mak sira atu hakonu to’os hirak ne’e, la’os de’it Fokupes no uma mahon sira, maibé responsabilidade sosiadade hotu, atu fo liman ba malu hodi haforsa diak liu tan maluk sobrevivente sira impartikularmente.
Estajiada : Maria Xavier
Editor : Agapito de Deus
