Lafaek News–Asosiasaun Jornalista Timor Leste (AJTL) ho ajénsia internasional UNDP hamutuk hodi hala’o treinamentu ba jornalista sira kona-ba demokrásia no relatóriu eleisaun profesionál komunikasaun jornalista foinsa’e sira hodi promove demokrásia no kombate informasaun ne’ebé la loos iha eleisaun parlamentár.
Treinamentu ne’e hanesan parte ida husi atividade sira ne’ebé implementa husi projetu UNDP CORE-TL ne’ebé finansia husi governu japaun, atu harii kapasidade jornalista sira-nian ilha relatóriu polítiku no eleitorál durante siklus eletorál hodi asegura foti dezisaun informandu no seguransa COVID nian.
Prezidente Konsellu Imprensa (KI), Virgilio da Silva, nia intervensaun iha abertura ba formasaun ne’e hatete, Média tenki independente no média nia papél ne’e hasai sosiedade husi injustisa, tanba ne’e jornalista mak muda sosiedade liuhusi publikasaun informasaun sira ne’ebé akurasia, balansu no klaru ba sosiedade.
Pesoalmente ha’u fiar katak feto Timor Leste mak sai jornalista barak liu-mane atu nune’e bele halo kritika makas ba asuntu politika no Konsellu Imprensa hakarak hato’o apresiasaun tebe-tebes ba kooperasaun UNDP ne’ebé kontribui makas tebe-tebes halo ba KI nomós Organizasaun Sira seluk, AJTL kontinua kapasita jornalista sira iha área kobertura oioin liu-liu iha kampana eleitoral nian” dehan Prezidente Konsellu Imprensa ba Lafaek News, hafoin halo abertura formasaun ba jornalista sira iha salaun CVTL formoza Dili, Tersa (18/10/2022)
Iha fatin hanesan xefe projetu eleisaun rezilente COVID (CORE-TL) UNDP, Tito da Costa, haktuir tan, kna’ar komunikasaun sosial nia esensiál atu asegura sidadaun sira halo dezisaun ne’ebé konsiénte liu bainhira partisipa iha eleisaun hodi asegura no asesu ba informasaun ne’ebé loos no klaru. Asosiasaun Jornalista Timor Leste (AJTL), organizasaun ida ne’ebé konesidu iha nasaun ne’e, ne’ebé fornese kapasitasaun ba jornalista Timor – Leste sira ba dekade rua resin ona , nu’udar aliansa xave ida hodi alkansa ita – nia objetivu atu hala’o relatóriu ne’ebé responsisvu no etiku ne’ebé kontribui ba konstrusaun demokrasia iha Timor – Leste .
Reprezentante embaixada Japaun iha Timor Leste, Daishin Sasaki, hatutan tan metodolojia treinamentu ne’e inklui husi dosente sira , diskusaun panel ho peritu sira , no atividade manual ne’ebé ko’alia kona – ba etika , harii demokrasia , no relatóriu eleitoral sira . Iha parte seluk , Governu Japaun , ne’ebé fó fundu tokon 54 ba projetu ” Eleisaun Reziliente COVID the Timor – Leste , ” inklui apoiu finanseiru ba atividade nee , konsidera katak inisiativa ida – ne’e esensial tebes tanba ” deformasaun no notisia falsu sai nu’udar ameasa boot ba eleisaun demokrátiku Servisu kona ba halakon informasaun ne’ebé la la’ós no notisia falsu nu’udar rekizitu ida ne’ebé importante liu ba eleisaun ne’ebé ida nia susesu.
Iha observasaun Lafaek News,Partisipa iha serimonia abertura ba formasaun ne’e Prezidente Konsellu Imprensa, Representante SECOMS, Prezidente AJTL ho nia estrutura,Representante UNDP iha Timor Leste, no jornalista sira husi media online no Jestor/a radiu komunidade iha Munisipiu sira iha Timor-Leste.
Jornalista : Felipe Soares
Editor : Agapito de Deus
