Lafaek News— Asosiasaun Manorin Nain Munisípiu Lautém (AMN-L), ameasa hatoo karta petisináriu ba Ministériu Edukasaun ho razaun viola direitu professors sira nian ne’ebé vigora iha dekretu lei númeru 18/2010, artigu 4,5,8 kona-ba kualidade edukasaun valoriza méritu professores .
“Ohin loron ami konsentra iha eskola sekundaria Lere Anan Timur besik atus rua hodi ejije ministru edukasaun rezolve ami professores sira nia problema hanesan estatutu professores kontratadus voluntariu no direitu sira ne’ebé ministru haluha lakon tiha, ami la tauk buat ida, tanba ami agora ne’e ejize de’it direitu ami nian, tanba tinan barak ona direitu ami nian ministeriu taka matan hela, ami luta nafatin too ami hetan ami nia direitu ne’ebé vigora ona ho lei, ami mós sei halo karta petisaun ba ministru no orgaun estadu nian iha Timor fó mós ba kak ba mós PDHJ nune’e bele konsidera ami nia ezijénsia ami mós sei buka ami nia advogadu privadu hodi defende ami nia direitu ne’ebé Ministru Edukasaun haluha,” Olandino da Costa hatoo liu husi konferénsia imprensa iha eskola Lere Anan Timur Lautém Domingu foin lalais.
Olandino akresenta, problema prinsipál husi ezijénsia ne’e haree ba professores kontratadus nia estatutu, la hetan osan husi eskalaun liu husi avaliasaun dezempeñu, hatudu mós manorin sira tuir kualifikasaun formál inklui ejize atu Ministru Edukasaun haree ba leis sira ne’ebé iha ona, maibé direitu ba professores nian seidauk bele responde no violadu too agora.
Ami nia ezijénsia hirak ne’e ME tenke toma atensaun kedan agora, tanba agora ami ejije direitu professor nian ne’ebé Sorin seluk profesora voluntariu iha eskola ore eskolar iha Lospalos vila fizelia viera da Silva ami sei apoiu ho ami nia forsa hotu ba asosiasaun professores Lautém nia ezijénsia tanba durante ne’e ministeriu haluha tia ami nia estatu hanesan profesór voluntariu, ami apoiu tebes ba asaun no ejisensia ne’ebé professores sira halo, tanba ami haree ministeriu edukasaun viola ona direitu profesór sira nian, ha’u sei apoiu totál ba petisaun no ejizénsia hamutuk 22 pontus ne’ebé ami hakerek ona hodi entrega ba estadu Timor-Leste hare ba asuntu ne’e,” nia deklara.
Ikus liu portavoz ne’e hakilar ho lian makaas no promete katak sira sei luta makas hasoru parte kompetente atu labele viola direitu professores sira nian husi Ministériu Edukasaun rasik.
Jornalista : CE.Lautem
Editor : Agapito de Deus
