Lafaek News (Kovalima)–Cesario Gomes, idade 43 durante ne’e, durante hala’o atividade negosiu hanesan fa’an na’in SDSB hodi hetan rendimentu ba sustenta nesesidade uma laran no haruka oan sira ba eskola.
Cesario Gomes ho nia kaben iha oan na’in na’in 3, ne’ebé na’in tur ona iha kadeira ensinu baziku klase lima maibe oan na’in ida seidauk tama eskola, alende suporta nia oan na’in rua ba eskola, Cesario mos durante tulun nia alin sira ba eskola iha universidade ne’ebe dadaun ne’e to’o semester III.
Nia dehan, alende fa’an SDSB, Cesario ho nia fen mos fa’an mina (Bensin) hodi aumenta rendimentu loro loron nian atu responde ba nesesidade moris uma kain nian.
Cesario deuna kada loron nia fa’an kupon ema sosa to’o $ 40,00 ou $ 50,00 husi total ne’e nia hetan bonus sentavu sanulu resin lima, nune’e kada loron nia bele hetan rendimentu dollar lima to’o nen husi fa’an kupon ne’e.
“Kada kupon ida hetan bonus 15 sen, loron ida ha’u bele hetan $ 5,00, barak liu mak $ 6, 00, loron ida ema bele sosa kupun iha ha’u to’o $ 40,00 ou $ 50,00 maibe depende ema ense, Ami hala’o ida ne’e tanba ami nia moris buat hotu hotu ita hala’o defende ba ita nia moris, se ami la halo hanesan ne’e ami nia oan sira atu ba eskola sira husu buat ruma ami atu fo saida, ne’ebé ami hodi ida ne’e mak sustenta ami nia oan sira eskola” Cesario konta.
Cesario nia Oan na’in rua dadaun ne’e tama ona eskola iha ensino Baziku (SD) no nia mos suporta nia na’in sira ba eskola iha ensino Superior, no husi Servisu fa’an SDSB no Fa’an mina (Bensin) mak Cesario Apoiu nia oan no alin sira ba eskola.
“Iha uma laran iha oan na’in tolu (3), ida (1) seidauk eskola na’in rua (2) mak foin SD klase 5 hotu, so alin sira ha’u suporta ba eskola ne’e, universidade ona, foin mak semester tolu (3), ha’u suporta nia ba ne’e liu husi ha’u serbisu fa’an SDSB ho mina deit, Servisu Seluk laiha” tenik Cesario ba Lafaek News
Nia dehan dadaun ne’e laiha serbisu seluk, tanba estadu Timor Leste seidauk kria kampu servisu ba Juven sira, Cesario mos konta konaba halo servisu hanesan agrikultur kuda modo maibe nia modo la folin iha merkadu, tan ne’e nia hili dalan halo negosiu liu husi fa’an SDSB no mina (Bensin) hodi sestenta nia famalia.
“Servisu seluk laiha agora, estadu mos seidauk loke kampu de traballu, joven sira mos barak mak pegangguran, ami halo modo ema la sosa modo butuk hela iha merkadu, loron tomak ida mos ema la sosa, ne’ebé ami fa’an deit SDSB KISS, Amizade, Bedford, Rudal, Timor Pool ne’e hodi buka osan, karik ema kona ami hetan netik bonus, karik la kona entaun ami hetan deit ho bonus ida mak 15 Sen ne’e hodi sustenta fila fali ba ami nia oan ho familia,” nia kontinua
Cesario Gomes husu ba Governu atu kria Kampu servisu ba Povu Timor Leste liu-liu ba Juventude sira, tanba dadaun ne’e juven barak mak tur deit iha uma, tanba laiha fatin servisu no balun hili dalan ba servisu iha rai liu hodi suporta nesesidade moris loro loron nian.
Jornalista : Jefry RastaQ
Editor : Chamot Nahac
