Lafaek News–Inan Faluk Lina da Costa husi bairo Moris foun suku Komoro parte mota ninin preokupa ho komunidade sira soe lixu ba inan faluk lina nia uma oin hodi fo impaktu ba saúde.
“Soe foer la tau iha nia fatin hodi fo impaktu ba ha’u, tanba soe hotu naan iis ne’ebé dois iha ne’e sira soe iha ne’e lokoraik ha’u sempre sunu no hamos”, Inan Faluk Lina da Costa ba Jornalista lafaek news iha Suku Komoro bairo Moris foun mota laran Segunda (19/09/2022).
Inan faluk ne’e haktuir, Foer ne’ebé komunidade soe ne’e barak kompostu husi plastíku aat, aqua mamuk , modo kain , hena aat, lixu hirak ne’e provoka ambiente la saudavel no iis forte fo impaktu ba komunidade liliu labarik ki’ik oan.
“ita nia governu kada tinan sempre prepara fatin lixu nian ba komunidade hotu iha fatin refere más, fatin ne’e la’os lixu nian, komuinidade nafatin soe iha fatin ne’e no komunidade sira besik estrada leten ne’e mos mai hotu soe lixu iha ne’e”, Hakotu Faluk Lina.
Entretantu Inan faluk Lina da Costa husu ba komunidade suku Komoro bairo Moris-foun parte mota ninin atu tau foer iha fatin lixu ne’ebé mak governi prepara ona, nune’e kria ambiente saudavel ba komunidade liliu labarik ki’ik oan hotu iha fatin refere.
Jornalista : Arnaldo Nunes
Asisten Editora : Rita Moniz
