Lafaek News—Voluntáriu husi Rotary Club of Dili Lafaek hamutuk ho ekipa husi munisípiu Manatutu nian, Rotaract Club of Manatutu inagura bee mos no uma natak (green house) ba eskola tékniku vokasional Mauhunu Bukar iha munisípiu Manatuto
Prezidente Rotaract Club of Manatutu, Ricardo de Carvalho Soares Amaral, informa projetu ne’e haree liu ba kondisaun eskola hirak iha area ne’ebé susar tebes ba bee mos
“Projetu ida ne’e ami hetan liu husi esforsu lubuk ida, liu-liu haree ba iha kondisaun real estudante ninian tanba area ida ne’ebé be laiha,” katak Ricardo de Carvalho Soares Amaral ba lafaek news iha Manatuto foin lalais.
Projetu ne’e inisia husi ekipa Rotaract Club of Manatuto, no hetan apoiu másimu hushi husi Rotary Club Internasional, no montante osan ne’ebé aloka ba projetu ne’e total 50.000 USD, hodi tulun eskola hirak ne’ebé dook husi dezenvolvimentu hodi tau matan fornese bee mos.
“Entaun momentu ne’eba ami nia prezidente pas Rotaract Club lafaek ninian iha inisiativa ida haree situasaun hirak ne’e levanta ba iha Rotary internasional sira liu-liu iha 9560 konaba projetu ida ne’e, maibé, projetu ida ne’e ami hatama proposta durante tinan rua tarde maibé agradese, Rotaract serbisu hamutuk ho Rotaract Dili lafaek no Rotary internasional sira no Rotaract sira iha Timor laran tomak serbisu hamutuk hodi realiza projetu ne’e ohin loron hetan inaguarasaun,” Ricardo sublina.
Iha fatin hanesan prezidente Rotary Dili lafaek, Mario Preto hateten durante nia mandatu sei foka liu ba atividade no projetu sira, tanba projetu hirak ne’e hetan fundus husi komunidade no husi Austrália ho Timor Leste.
“Durante ha’u nia mandatu ami sei foka liu ba atividade iha projetu ne’e mos depende ba fundus ne’ebé maka ami iha tamba projetu Ida ne’e foin dadauk Ita halo inagurasaun, ida ne fundus ne’e mai husi ami nia komunidade husi Austrália ho Timor Leste ne’e mak ami agora halo projetu la’o,” nia dehan.
Prezidente Rotary Dili Lafaek ne’e relata tan ba oin sei halo atividade balun tan ba estudante sira oinsá dezenvolve sira liu husi hakerek.
“Ba oin ami sei halo atividade oinsa atu kapasita estudante sira universitariu mos entermus ba lideransa, oinsa para atu dezenvolve hakerek, ne’e iha ona palnu para atu implementa deit ona, em primeiru lugar ha’u sente kontente teb-tebes tanba bele lidera projetu be ne’e to susesu, sente orguilu ba ha’u,” nia espresa.
Jornalista : Alsino Moreira
Editór : Agapito de Deus
