Lafaek News—Koordernador Jéral Dili Internasional Marathon (DIM), Joel Maria Pereira, hatete preparasaun ba eventu Dili International Marathon (DIM) da-daun atinje ona porsentu 60 eventu ne’e sei realiza iha loron 8 fulan outubru tinan 2022.
“Programa ne’e rasik nia prosesu hanesan ita boot sira hatene ita halo ona preparasaun lubuk ida agora da-daun ne’e atinje ona porsentu 60, iha ona ekipa nasionál ne’ebé mak estabelesidu aliende governu teknikame ita fo fiar ba iha Federasaun Atletizmu sira mak kaer mekanismu téknikku sira ne’e”, dehan Koordernador Jéral Dili Internasional Marathon Joel Maria Pereira ba Lafaek News iha knar fatin Palasíu Presidensiál Bairo-pite Kinta (15/09/2022).
Koordernador DIM ne’e afirma, Federasaun Atletizmu halo ona selesaun ba ekipa nasionál nain 12 kompostu husi atletas feto nain 6 mane 6 agora konsentradu hela iha sentru treinamentu Gleno munisípiu Ermera, halo ona preparasaun kuaze fulan ida liu ona.
“Prosesu registu mos ita halo ona, liu husi federasaun ho Sekretáriu estadu Juventude no Desportu hahu rejistu iha rai laran no mos rai liur, rai liur partsispante sira bele registu liu husi online tanba ita iha ona website ida, fo oportunidade ba partisipante sira hodi bele registu online husi ne’ebé de’it, manualmente maluk sira balun ba registu iha Ginásio”.
Koordenador Jéral DIM Joel Salienta, Kona-ba nasaun ne’ebé mak sei partsispa iha eventu ida ne’e iha Federasaun liu husi kanal ne’ebé mak iha haruka ona komvite sai ba federasaun ne’ebé de’it hein hela sira nia resposta, Iha nasaun balun mak fo ona sira nia resposta ba karta ne’e maibé seida’uk hatama alteta ne’ebé mak atu rejista mai ne’e.
“Atleta ne’ebé mak uluk tuir nanis tiha ona husi Keina nain ida ou rua sira kontaktu ona komisaun Organizadora para atu mai partsispa fila fali iha tinan ida ne’e, Ita hein hela prosesu kontaktu ho sira”.
Tuir Koordenador DIM, Karta ne’ebe mak fo sai ne’e normalmente federasaun sira kanal iha nasaun hotu-hotu, agora hein hela sira nia konfirmasaun ikus, sira presiza haruka sira nian naran no numeru atleta hodi bele rejistu, too agora seida’uk iha, maibé resposta ba karta ne’e iha nasaun balun fo resposta ona apresia ba konvite sira tetu hela oinsá mak bele mai rejistu, prosesu rejistu sei taka iha inísiu fulan Outubro.
“Foin dadauk Presidente Repúblika visita ba Indonézia liu husi Kupang NTT hasoru malu ho autoridade sira iha ne’eba, PR Horta mos hato’o ona intensaun atu komvida atleta sira husi Provinsiá nusa Tenggara Timur (NTT),” katak Joel
Koordenador DIM esplika, semana kotuk komisaun organizadora husi Presidénsiál Repúblika nian ba halo diskusaun ho autoridade sira iha ne’eba liu husi kanal Diplomatiku konsoladu ho sira, bele fasilita kuota ba nain 10 husi NTT atu mai eventu ne’e, espera katak sira bele mai iha loron 6, sira ne’e rejistu liu husi autoriedade, fiksu ona atu partisipa iha eventu ne’e, bazei ba enkontru ne’ebé mak komisaun hala’o iha ne’eba iha loron hirak liu ba.
Jornalista : Rita Moniz
Editor : Agapito de Deus
