Lafaek News— Seguransa sivil iha estatua Papa João Paulo II Tasi-Tolu, Julio Paixão relata kata, ambiente iha estatua João Paulo II sai namlaek tanba bee laiha atu rega ba ai funan hirak ne’ebé haburas no hafutar sítiu relijiozu ne’e atria ema ba vizitantes rai liur.
Seguransa sivil iha estatua Papa joão Paulo II, Julio Paixão relata katak, situasaun iha estatua João Paulo II, too ohin loron bee laiha atu rega ba ai funan inklui haris-fatin (toilet), maran dekor hasusar atu fasilita vizitantes sira iha atividade vizita.
Tinan barak ona, maibé governu tau matan de’it iha tempu provizório no asegura mos ba sarani sira labele lori malu mai laiha disiplina iha fatin sagrada ne’e, iha ne’e estadu mos la tau matan, bee maran agora tanke hira maran hotu ami atu rega ba ai-funan sira ne’e mos maran hotu tanba bee laiha,” ” Julio ba Lafaek News iha JP tasi-tolu foin lalais .
Pesoal seguransa ne’e husu governu atu tau atensaun ba fatin turizmu relijiozu ne’e atu sai fatin ne’ebé reprezenta duni amu papa II nia ain fatin.
“Hanesan horbainhira ita nia bainaka mai ne’e, bainaka mai ne’e foin enxe, too agora bee laiha ne’e mak tanke hirak ne’e bee laiha hotu governu la interese ne’e tanke maran hotu kedas, preokupasaun ne’e hatoo ona ba relevante sira, maibé too la resposta mai,” Julio hakotu lia.
Jornalista : Arnaldo Nunes
Editor : Agapito de Deus
