Lafaek News-Prezidente Repúblika José Ramos Horta, hatete loron referendu, loron konsulta populár labele haluha momentu ida ne’e povu mak mate, no luta, joven, ferik, katuas sira tinan lubuk ida nia laran Timor Leste to’o iha aktu referedu.
Prezidente Repúblika José Ramos Horta hatoo asuntu ne’e hafoin partisipa iha serimónia selebrasaun tinan 23 aniversariu konsulta populár iha Jardim 5 de maio Tersa ( 30/08/2022).
Ohin loron referendu, loron konsulta populár mai iha ne’e mak obrigasaun estadu pessoal, nu’udar sidadaun, ita marka prezensa iha ne’e, labele haluha momentu ida ne’e povu mak mate, no luta, joven, ferik, katuas sira tinan lubuk ida nia laran atu ita to’o iha aktu referedu”, dehan Prezidente Repúblika Josè Ramos Horta iha Jardim 5 de maio Tersa ( 30/08/2022).
Horta deklara, nia parte hakruk ba Fundadores FRETILIN ho FALINTIL ba komité sentrál ne’ebé mohu hotu ona, komandante boot sira soldadu no Sarjentu sira, juventude sira asuwain santa Kruz nia istória no ba Igreja, arede klandestina no kaisa sira sempre hakruk hanoin ba asuwain sira hotu.
Klaru ha’u sempre prontu ko’alia ho líder hotu-hotu prontu atu rona kuaze loron loron sempre kontaktu malu, dala ruma Kontaktu privadu dala ruma Kontaktu ofisiál, nu’udar Prezidente Repúblika ha’u nia knaar mak ida ne’e”.
Xefe estadu Ramos Horta afirma, Buka sai hanesan mahon ba partidu polítiku sira, sosiédade tomak laiha diskriminasaun polítika ou sosiál, Timor Leste moris iha dame no kontente, mundu konflitu funu barak loos, situasaun difisil hanesan Ukránia, Iemen, Afganistaun agora probelma polítika boot, maibé Timor Leste moris nafatin iha dame ekonómia la’o dadaun.
Ha’u espera fulan ne’e mai tan nafatin hanesan ne’e, nune’e ita nia ekonómia bele rekupera”.
Jornalista : Rita Moniz
Editór : Agapito de Deus
