Lafaek News–Sekretáriu Jerál partidu (Frente Revolusionáriu Timorense Independente (FRETILIN) Marí Alkatiri, hatete pakote ba kongresu partidu FRETILIN sei laiha mudansa tanba sentidu responsabilidade.
Sekretáriu Jerál partidu FRETILIN Marí Alkatiri deklara asuntu ne’e iha loron tersa (09/08/2022), hafoin remata enkontru ho Prezidente Repúblika, José Ramos Horta iha Palásiu Prezidensiál.
Kona-ba Kongresu FRETILIN ita boot se avansa ka fó ba ema seluk Marí Alkatiri responde fó ba se?, hatudu mai ha’u ema ida ne’ebé imi dehan ha’u bele fó, ha’u fó. Hatudu mai ha’u, Se iha duni ha’u bele toma inisiativa foun, no se pakote foun ruma mosu iha kongresu ne’e direitu tanba bele iha pakote segundu, terseiru, ka bele mós to’o pakote 20 ne’e direitu, maibé fó ha’u la fó, ha’u tenke iha sentidu responsabilidade”, dehan Sekretáriu Jeral partidu FRETILIN Marí Alkatiri ba jornalista iha Palásiu Prezidensiál Tersa (09/08/2022).
Tuir Marí, Lere Anan Timur iha loron hirak liu ba halo konsolidasaun iha Munisípiu Liquiça ne’e direitu Lere nian, lahatene saida mak ko’alia iha ne’eba, la taka dalan ba ema ida, estatutu ne’e, estatutu.https:// www.lafaeknews.tl/lere-fretilin-manan-iha-2023-sei-hamutuk-ho-cnrt/
Kona-ba konsolidasaun ne’e kamarada Lere oras ne’e daudaun halo iha Munisípiu Likisa ne’e direitu Lere nian no ha’u la hatene saida mak nia hatete iha Likisa no ha’u la taka dalan ba ema ida maibé estatutu ne’e estatutu, Lere Anan Timur hatene ona estatutu halo nusa, nia mós iha ema ne’ebé nia konsulta, estatutu nafatin estatutu se taka dalan taka dalan, se loke dalan, loke dalan ha’u labele komete ida ne’e.
Tuir Sekjer partidu FRETILIN Alkatiri, Alkatiri jurista bainhira halo revizaun ba estatutu ne’e ba kongresu mai fali la’ós ba agora, se la’e aban bainrua ema hotu-hotu tama mai halo revizaun atu Sekjer mós hakarak sa’e.
Jornalista : Rita Moniz
Editór : Agapito de Deus
